陳庭欣全黑現身男友父安息禮 貼心守候送花牌以兩個字自居 親回感情狀況:一切順其自然
發佈時間:17:50 2026-11-20 HKT
前港姐冠軍陳庭欣(Toby)今日(20日)傳出與中產出身、KOFFA LIGHTING 創辦人Gary拍拖,兩人今年4月因打 Pickleball(匹克球)而火速撻著,拍拖至今約半年,但男方在5個月前才離婚回復單身,雖然「新歡」身家不及前度楊振源家底厚,但據知Gary曾負責不少名店的燈光設計,在上流圈子相當活躍。對於傳出拍拖消息,她用短訊回覆《星島頭條》:「多謝大家嘅關注及關心,不過我都好希望大家唔好淨係Focus咗落去我嘅感情生活。其實最近每日嘅生活都好充實,有努力工作,有運動有波打,有朋友約食飯,有玩board game,有新鸚鵡仔小成員等等。至於報道寫有關我同圈外朋友Gary嘅標題同內容都唔係完全屬實,而部份都涉及佢嘅私隱,所以唔逐一解釋啦。現階段我哋係好朋友,亦都會時常見面打波食飯,佢嘅爸爸最近離開咗,我希望佢同佢嘅屋企人都節哀順變。」當被問到有否機會發展,陳庭欣就表示:「唔好諗咁多住啦,一切順其自然」。對於有傳二人交往時,男方仍屬已婚身份,陳庭欣表示:「我哋認識咗差不多兩年,傾偈時都會傾吓嘅,不過都唔會特別deep」。
陳庭欣陪男友在禮堂門口送客
今日再有報道指,陳庭欣似乎已經成功入屋,Gary的爸爸日前離世並今早在尖沙咀聖安烈堂舉行安息禮,陳庭欣昨晚出席完台慶並與收工同事宵夜後,今早一身黑衣打扮抵達教堂,安息禮完成後,陪着男友Gary在禮堂門口向離開的親友送客,全程貼心陪伴,給予男友最大的支持,足見其家庭地位穩固。
相關閱讀:陳庭欣傳暗撻中產燈飾老闆 曾包辦名店燈光打匹克球擦出愛火 傳男方剛離婚曾力追SG成員
戴上黑色口罩的陳庭欣一直緊隨男友左右
從現場曝光的影片可見,現場下起毛毛細雨,氣氛顯得格外莊嚴肅穆,身穿全黑素服、戴上黑色口罩的陳庭欣一直緊隨男友左右,每當有親友步出禮堂或上前慰問時,她都默默守候在旁,表現得大方得體。有指陳庭欣亦以個人名義送上花牌致哀,花牌上的輓聯寫道:「世伯 主懷安息 晚輩 Toby Chan 敬輓」。
陳庭欣和Gary同為Pickleball的愛好者
陳庭欣曾因熱衷打匹克球(Pickleball)被網民質疑「釣金龜」,但未受輿論影響,在不少關於匹克球的活動都見到她的踪影。Gary同為Pickleball的愛好者,其公司不時贊助大小比賽,因而結識了陳庭欣。據悉,二人由球友迅速發展成親密關係,而Gary在4、5個月前才與前妻完成離婚手續,成為真正的「單身男」,有知情人士透露:「Gary同 Toby識嘅時候,Gary都未正式離婚,嗰陣佢哋差唔多晚晚同班朋友一齊打波,不過一齊咗都冇特別講,唔算高調,但大家好快 get 到!」
相關閱讀:陳庭欣嘆難忘10億前度:冇可能100%冇事 遇一事失控落淚 放眼未來「呢個人總會出現」

















