TVB台慶2026丨「東張女神盃」李旻芳第一 陸浩明笑梁敏巧身形好負擔重 汪明荃指女神鬥慢

更新時間:21:25 2026-11-19 HKT
發佈時間:21:25 2026-11-19 HKT

TVB台慶2026丨無綫集團年度盛事《萬千星輝賀台慶》於今晚11月19日(星期四)盛大舉行!今年適逢TVB 59周年,台慶以「TVB與你行得更近,走得更遠」為口號。TVB王牌節目《東張西望》造就了一班專業拼搏的《東張》女神,在台慶大日子,李旻芳、陳庭欣、何沛珈、甘詠寧、黎寬怡及梁敏巧,將會進行一場400米賽事,體現她們平日在節目追訪新聞的專業精神。

陸浩明笑梁敏巧負擔重

六位《東張》女神沿錄影廠出發,繞過廣播大樓約400米,再返回錄影廠,賽前被視為包尾大熱的梁敏巧,雖然搏晒命跑到面紅耳熱,氣喘連連,但步速始終一般,而旁述的陸浩明笑指:「唔知係咪梁敏巧身形太好嘅關係,所以負擔比較重」,而在幾位女神中,身高較矮小的李旻芳,竟然有著「摩打腳」,越跑起快,完全放甩了後邊幾位女神陳庭欣、黎寬怡,直衝終點贏得第一名。

相關閱讀:TVB台慶2026丨羅嘉良驚喜重返TVB 獻唱〈奇哥〉超經典 汪明荃再見撈家互動真摯

汪明荃笑包尾二女神鬥慢

汪明荃笑指好似當賽馬咁睇,「覺得佢哋啲腿好靚好結實,直係運動型」,陸浩乘機賣口乖大讚講腿無人及得上汪阿姐。幾位《東張女神》陸續衝落終點,最後兩名何沛珈及梁敏巧繼續叮噹馬頭,最令人意想不到梁敏巧最後更成功超過何沛珈贏得第5名,最終何沛珈大熱倒灶包尾過終點,而汪明荃表示:「第一嗰個真係好落力,跑得好快,最尾嗰兩個好似鬥慢喎。」

相關閱讀:俞可程疑秘戀導演急避風頭 將缺席今晚TVB台慶 玩《女神2》人氣急升感情狀態成疑?