陳家樂聲演廣播劇獲倪秉郎讚有潛質 建議拍武俠片 伍允龍靠手舞足蹈兼拼音
發佈時間:18:15 2026-11-18 HKT
陳家樂、伍允龍、鄭子誠、倪秉郎、譚偉權及黃明德今日為港台廣播劇《我自在江湖》進行錄音,作為前輩的倪秉郎大讚陳家樂聲演武俠劇有潛質,更建議他可以拍武俠片。
陳家樂指對白「文縐縐」
陳家樂則認為聲演武俠劇的對白較為「文縐縐」,更笑謂有好多類似「紫微斗數」術語的招式要記住。談到獲得前輩倪秉郎建議他拍武俠片,家樂笑言兒時經常睇武俠劇集,近年香港亦較少這類題材劇集,所以未有機會演武俠劇的角色,藉着今次聲演機會吸收經驗,希望將來有機會演武俠片。他笑說:「細個時好多人話我演唔到古裝劇,因為塊面好白淨似外族,最多都係做番邦。」陳家樂又指近月跟朋友談及想重溫收聽武俠廣播劇,豈料突然收到邀請今次聲演武俠廣播劇。
伍允龍首次聲演武俠劇
首度挑戰聲演武俠廣播劇的伍允龍,中文不叻,笑言自己會寫拼音,更獲得好多人幫忙,不過武俠劇對白對他來說比較難,又指劇中好多武打場面,所以聲演時都會手舞足蹈,讓觀聽眾收聽時都感受到武打情節,想盡量將自己拍動作片經驗融入當中。
陳家樂入圍叱咤生力軍未敢諗得獎
另外,40歲的陳家樂對於憑首支個人單曲《我們都是無名氏》,入圍角逐《2026年度叱咤樂壇流行榜頒獎典禮》的「叱咤樂壇生力軍男歌手」獎項,成為本屆最年長及資歷最深的樂壇新人。他笑言未有想過得獎,因為需要計算播放率各樣等,自己年尾推出歌曲都知道不會以得獎方向而行,反而想更多的人聽到首歌已經好開心。談到是否已準備戰衣出席頒獎禮,他笑說:「未諗,可唔可以着最舒服嘅衫去,但多謝樂壇畀我參與,因為細個同家人喺電視睇頒獎禮,呢個係自小同家人嘅回憶,希望今次再創造回憶,家人睇電視見到我囉!」談到太太連詩雅可有給予貼士參與樂壇頒獎禮?家樂笑言沒有,只叫他參與玩下。
陳家樂望董事霆鋒祖兒爭取更好嘅嘢
提到同門大師兄、師姐謝霆鋒及容祖兒(Joey)加入英皇娛樂集團董事局,會否向他們提出意見?陳家樂笑說:「我都係睇新聞知,都未見到佢哋,同埋做董事職責嘅現理解只限於睇劇集《璀璨之城》去開會投票!所以我唔知決策係點同將來會點樣合作,當然希望爭取到更好嘅嘢啦!」
陳家樂一家三口過聖誕節
聖誕節將至,作為基督徒的伍允龍最喜歡聖誕節,每年會返教會,並跟最愛錫的人一起慶祝。陳家樂則謂今年會一家三口歡度聖誕節,但太太會到內地參與除夕倒數活動,原本打算帶同女兒陳星頤(Camila)到當地捧場,不過地點有變動,所以仍計劃行程:「依家囡囡覺得我唔係最重要嗰個,成日叫我『No爸爸』,我姓No架!因為佢有主見,成日覺得我陪唔到佢咪要『No爸爸』,最近會『黐』住媽媽多啲。」

















