女神配對計劃2|俞可程被Zico深情告白搞喊 四角關係洗牌 何沛珈冧爆Oscar主動出擊
發佈時間:21:15 2026-11-16 HKT
TVB戀愛真人騷《女神配對計劃2》昨日播出的一集,6位女神何沛珈(Roxanne)、俞可程(Kanis)、陳若思(Amber)、郭珮文(Juliana)、阮嘉敏(Mandy)及陳星妤(Yvette)分別與方智弘(Oscar)、吳兆麟(Alan)、俞鋆瑞(Ice)、吳旭東(東東)、侯建民(Zico)及關經翰(Oswald)在「玻璃水世界」面前紮營過夜。今集焦點是Roxanne、Kanis、Oscar及Zico的四角關係。
何沛珈、方智弘越怪越愛
先說Roxanne和Oscar,還未入夜已以「四眼素顏」Look相對的二人,連對話也是無遮無掩,Oscar如實表露對Roxanne的三大心動Moment,分別是「電話亭」、「水上滑梯爆喊事件」及「失驚無神食蘋果」,從而得出大家相處舒服、Roxanne擁有有趣及率真靈魂,全是自己覺得有趣的特質:「畀着其他人,可能覺得佢好奇怪,但老實講對我係覺得幾好笑,幾開心。」三件事令Oscar最難忘的,竟是Roxanne瀡滑梯爆喊事件:「好深刻真係,因為我覺得拍緊嘢架,咁多人喺度……」對於Oscar睇法,Roxanne事後坦言「估你唔到」:「原來佢同我都幾奇怪。」
方智弘主動約會何沛珈
除坦承心動外,Oscar還一改被動怕醜性格,主動邀請Roxanne約會:「節目組話可以畀我邀請女神約會一日,我喺呢度誠意邀請你一齊去玩一日,想了解多啲,咁你點睇呢單嘢?」冧爆的Roxanne即爽快答應:「去呀,去呀,去吖!」不過由於二人均無聊愛玩,最終單是玩唔玩機動遊戲都拉鋸一番,一個踩人細膽,一個又堅稱自己好Tough,「槍來劍往」夾到冇朋友!Oscar事後首次表示心儀女神已有方向:「其實由我同Roxanne過夜嗰吓開始,我個心就偏向佢喇已經。」
何沛珈素顏網民Like
Oscar、Roxanne相處輕鬆、舒服又搞笑,不少網民都支持二人進一步了解:「好好呀,感覺到佢哋相處好舒服」、「佢哋幾夾」、「佢哋相處好自然,唔造作」、「極似情侶未一齊之前嘅曖昧互窒」、「Oscar終於放鬆到」、「兩個都有嗰句講嗰句」、「鍾意佢哋會寸」、「真係有粉紅泡泡喎」、「其實何小姐講嘢幾搞笑吖」、「佢哋真係輕鬆自在喎」、「呢啲先係年輕人嘅拍拖模式,咁樣先好玩」、「打打鬧鬧好有CP感」、「覺得佢哋好啱Key」;還有網民指素顏的二人好睇過「平時化妝個樣」,相信兩位主角知道一定好開心。
俞可程、侯建民有變數
至於另一對Kanis與Zico則似乎仍充滿變數。強調心目中仍未有「任何答案」的Kanis,爭取過夜獨處時間了解Zico鍾愛自己原因,Zico攤出「心跳電話亭」看到她甜對Oscar時打擊極大,甚至萌生退賽念頭;另Zico亦明確地道出了作為超I人的自己,參加《女神2》完全是為了Kanis:「其實我參加呢個節目係好冇信心,好驚。(有乜驅使你咁驚講嘢都嚟參加?)就係因為你咯,我見到你有種好特別嘅感覺,所以我都唔理我講嘢得唔得,點都好我想(參加節目)試咗先。」
俞可程因侯建民一句話淚崩
Zico續指自「電話亭」沉痛一役,已「講多咗好多嘢」,並開宗明義是為Kanis而去改變,Kanis事後坦言深受感動:「之前我都有啲唔相信,當佢再次肯定係為我而嚟,我都有啲感動。」當聽到Zico有退出《女神2》念頭時,Kanis更一度哭成淚人,「直男」Zico即抓緊機會表述不想放棄的決心,說時眉頭深鎖、煞是認真:「我覺得放棄一樣嘢好容易,但我唔係好鍾意放棄,就算只有一絲絲嘅希望,我都真係想試埋今次。」 堅持的決心令Kanis再度大受感動:「『放棄其實好容易』,我畀佢呢句說話感動咗嘅。」對於二人後續發展,網民充滿期待,對於Zico深情專一人設更是讚不絕口,紛紛留言加油為Zico集氣,着Zico不要放棄:「Zico條件好好」、「專一男人唔係成日有」、「Zico老實又成熟,值得過人世」、「好真誠」、「呢對都襯」、「對話夠晒真情流露」、「Zico真的值得一個機會」、「Zico is a very nice loyal man」、「Zico對住喜歡嘅人義無反顧」、「Zico you are a real Man」。

















