你的保安李寶安|「邱副」曾睿智笑話尷尬捱批 做開生意轉做臨記6年 同阿正挑戰星爺達哥

更新時間:15:24 2026-11-16 HKT
發佈時間:15:24 2026-11-16 HKT

由金像獎新晉導演何爵天執導,李尚正、盧頌恩(妹姐)、麥沛東、曾睿智及王耀宏主演的 HOY TV 全新處境喜劇《你的保安李寶安》開播後引來不少迴響。當中在豪宅「臨海峯」保安部飾演副隊長「邱得根」(邱副)的曾睿智(Jam),憑著縮骨、市井又搞笑的演繹成功突圍。不少觀眾覺得他「熟口熟面」,其實他絕非影視圈新丁,自2020年代初出道以來參演過《幻愛》婚禮賓客、《死屍死時四十四》保安員及《破·地獄》殯儀館仵工等基層角色。談到入行淵源,本身經營小生意的曾睿智透露早於2016年報讀話劇初班,十年來拍過約兩百部電影學院學生作品:「我本身係演開一啲優雅、中產位多,但唔知點解出到嚟電影界或者電視劇,反而演一啲小人物多!我一直堅持初心都係希望享受演出,真係每一個角色都享受。」

曾睿智狂拋押韻金句極難背

劇中「邱副」狂拋押韻金句,更將娛樂圈熱話編入對白,例如調侃古天樂與宣萱的多年緋聞:「正所謂,柳暗花明又一村,古天樂女朋友都變宣萱」,不過網民對這些密集式 Gag 反應兩極,有人狠批「太多老尷 gag,為 gag 而 gag」。面對排山倒海的拗口台詞,首次拍喜劇的曾睿智直言背對白最攞命:「難背係其一啦!最攞命嘅呢,天導(何爵天)有時會笑我錯。你識嗰樣嘢,但你要講錯;有啲唔啱音嗰啲,埋位要講錯,但我無啦啦講得啱,背熟咗!」他更笑言全靠拍檔李尚正傳授秘笈:「正爺教我:『你一定要盡快 dum(忘記)、清嘢!』我有時啲對白出唔到嗰個節奏,都係靠正爺同天導兩大高手喺度好似『如來神功』咁幫我打埋拍子!」

相關閱讀:你的保安李寶安|「邱副」曾睿智演技對白老尷? 有份拍《破·地獄》、《幻愛》擅演小人物

曾睿智被讚有吳孟達影子

對於導演何爵天曾讚他有已故前輩吳孟達的影子,與被指似周星馳的李尚正堪稱「星爺達哥翻版」拍檔,曾睿智指李尚正有自己一套風格,但他獲讚似吳孟達亦相當受落:「開心囉!演員都係希望多面相。有人話我似吳孟達,亦有人話我似許冠文,有人話我似真田廣之。」,由以往拍兩、三組戲的特約演員,搖身一變成為五大主演之一,曾睿智坦言收到Offer時竟然「無咩特別感覺」,但就要適應高強度的拍攝節奏:「以前做特約幾早去拍幾頁紙,而家有時『0628』(朝早6點拍到凌晨4點),一日要拍三、四十頁紙,個量真係好唔同,夜晚坐喺度都已經恰眼瞓!」

曾睿智考保安牌助入戲

為了演活每個基層角色,曾睿智在背後下了不少苦功,更自爆為拍戲專程去考牌:「係呀,我真係有保安牌!之前天哥搵我拍做司機,我就考咗個的士牌。我為咗融入角色,做保安就去考保安牌,做的士佬就考的士牌」,劇集出街後,卸下「邱副」老妝的他在街上未被認出,但IG卻湧入不少陌生網民私訊支持,令他大感驚喜。被問到會否向導演爭取加感情戲,他即鬼馬自薦:「霸道『邱副』愛上清潔姐姐!我 OK 㗎,我對住靚女演技會好啲、Level up 咗,希望天導加,搞返個『七角戀』!」

相關閱讀:你的保安李寶安|「畢好彩」盧頌恩𡃁模時期激瘦泳照曝光 與李尚正做「卧底」爆紅變一姐

妹頭盧頌恩比堅尼福利圖掀熱話: