江欣燕否認前夫監場𥄫實拍親熱戲李居明「7.0」預埋黃仁勳

影視圈

更新時間：12:15 2026-11-15 HKT
發佈時間：12:15 2026-11-15 HKT

堪輿學家李居明、龍貫天（旭哥）及江欣燕今晚（14日）在東九文化中心出席《粵劇特朗普6.0》首演拜神儀式。黃仁勳近日爆出婚外情及間諜風波，李居明大師指下次在沙田做賀歲場「7.0」的時候就會加入黃仁勳這角色，不過就未知會否有黃樂的出現，又透露今次演出「黃仁勳」也會現身，又指因有很多時事題材，所以今次可能會做到12點，笑言最大特色是因時間緊迫關係，所以有機會沒辦法做Ending。江欣燕表示今次有重練歌，但演出就靠臨場發揮，問到之後是否會繼續參與演出？她說：「師傅請我一定繼續做，我本來第一場演嘅時候，我係超緊張，但今日睇化粧間化粧嘅時候，我冇睇過一頁劇本，我都擔心嘅，但其實個故仔印咗入腦，開始去睇睇有冇其他語氣可以講，係好好玩嘅。」

龍貫天期待扮黃仁勳肉搏

另外，提到鄧兆尊最近爆與江欣燕以前拍親熱戲的時候，其前夫吳積遜專程探班，更擔定凳仔望實，她說：「我都係做gag嗰啲嚟㗎嘛，佢講得太juicy，因為我記得佢入嚟嗰陣時，我同佢做gag show，嗰啲唔係真肉搏。（佢話前夫擔咗凳仔望實。）唔係唔係，嗰陣時啱啱拍拖，所以就好黐纏嚟探我班，冇，唔係佢講咁樣。」李居明大師笑言一直很想在粵劇中加肉搏戲，自己也很想做粵劇版《色，戒》：「今次黃仁勳事件，我哋就可能會考慮睇下點樣，不過而家都未突破得到，所以觀眾諗到咩橋提供畀我，我諗下粵劇點樣能夠表達得到呢啲咁緊要嘅戲。」而演黃仁勳的龍貫天被指好艷福，他笑指到時看誰跟他肉搏。