許志安踩過界唱Jazz 陳奕迅秘密現身 面對古天樂、張家輝殺入樂壇無競爭心
發佈時間：11:15 2026-11-15 HKT
許志安（安仔）昨晚（14日）在戲曲中心為「西九爵士音樂節」演出，歌神張學友更送上花籃祝安仔「演出成功」。安仔全晚共唱了近20首經典歌曲如《男人最痛》、《半天假》、《我心中有你》及《雨後陽光》等，完場時安仔更被觀眾的熱情，二度上台Encore。身穿黑色皮褸配牛仔褲的安仔出場時全場大叫，之後他唱出經典歌曲《喜歡妳是妳》為音樂會揭開序幕，唱完後觀眾瘋狂大叫和拍掌，氣氛熱烈，而安仔也開心地以「多謝」來回應。
許志安罕唱《別說歸家》
安仔表示好開心今次有機會被邀請，覺得非常榮幸，因自己也好奇在歌曲加入爵士元素會是怎樣，又笑說：「雖然今晚唔係錄音音樂會，由於音樂會係jazz festival，顧名思義代表開心，希望大家可以好自由地好好享受呢個晚上。」而他在唱出《別說歸家》及《愛在一程車的時間》前，安仔指這兩首歌收錄在1993年推出的專輯中，這兩首歌也有爵士味，想不到相隔33年後有機會在舞台上唱，非常興奮。安仔在唱完高難度歌曲《讓愛》後，觀眾狂拍手掌，更有人大叫「好正呀！」
許志安拍牙刷廣告有陰影
安仔唱完《火熱動感LALALA》後笑指這個是encore位，本來要返回後台，但由於沒衫換，所以索性不回，又叫大家「當」他已返回後台再出來，然後慢跑回後台的他隨即重回舞台，場面搞笑。而唱《All I have to do is dream》時，他指是因監製想聽「尖尖尖」，然後他尷尬地唱了一段後指刷牙其實不是一件很開心的事，現時也做不回那些樣貌，因為刷到牙肉損埋都未完，而唱畢《昨遲人》及《世紀末煙花》，唱完後，安仔說：「最後我希望呢首歌能夠帶畀大家，好似呢朵煙花咁永遠都記得。」雖然安仔已返回後台，但觀眾繼續大叫，安仔亦難抵觀眾熱情，回到台前第二度Encore唱《爛泥》。
網民比較許志安、蘇永康唱Jazz
對於首次開個人爵士音樂會，安仔受訪時指是在紅館演唱會前受邀，因為這些機會不太常有，所以先應承，之後就發現要練習很多，所以完成紅舘騷後即投入，見到歌迷看得開心自已也開心，問到是否沒時間放假？他指有時間跟老婆鄭秀文去了一個很短的旅遊。對於網民將他與蘇永康拿來作比較，安仔坦言對方是唱爵士樂歌曲的高手，自己也有特意找他問意見：「我哋都傾咗成三、四個鐘，佢畀咗好多意見我。」
許志安後悔冇捉陳奕迅上台
對於蘇永康指安仔更早唱這類型風格的歌曲，他就指蘇永康是爵士樂的代表，而網民也提議兩人可合作一個Jazz版「安康」騷，他笑說：「佢個仔又出埋嚟？你睇佢愛爵士樂愛到個仔都叫Jazz，我第時有個仔一定叫阿Rock，Rocky！（生得切？）唔好搞呢啲嘢。」又指也想兩人再合作，不過要先等他與張衛健合作完再想，安仔又感謝陳奕迅來看騷：「我唔知佢嚟，如果我知我就唔夠膽喺佢面前唱《愛是懷疑》，或者我捉佢上台，但我唔知道，我未encore喺後台見到佢。」
金毛關心妍被誤認成鄭秀文
安仔指12月的工作完成後就要為下年2月澳門站做準備，問到是否有興趣像陳奕迅般開錄音的音樂會？他表示無想，得知對方開之後已幻想到會好正：「我自己就冇諗過，反而完咗演唱會到而家都係忙住呢個騷。」提到關心妍因為同樣跟鄭秀文也是金色頭髮，搞到在佛山被誤認成鄭秀文，問到安仔兩人是否相似，他笑說：「金毛就Sammi？（你覺得似唔似？）梗係唔似，（你老婆靚啲？）呢啲冇得比，唔好整個陷阱畀我。」
許志安玩轉樂壇
另外，古天樂再入選叱咤男歌手十強，安仔指看到現在的樂壇百花齊放很開心，因為古天樂開騷，稍後張家輝也舉行演唱會，這是很開心的事。至於是否有競爭心態？他說：「我唔會啦，冇喇，（想一齊出嚟玩？）玩係好緊要，用呢個心態我絕對贊成，最緊要人哋有機會畀你一齊玩，但就冇競爭嘅心態。（唔爭奬？）有先得㗎，開心最緊要！」
