善男信女｜楊偉倫撐票房可以行好遠唔止一千萬 爆「有動作」床上戲被刪走 鍾雪瑩諗定金馬獎感言 : 多謝
更新時間：22:17 2026-11-14 HKT
發佈時間：22:17 2026-11-14 HKT
發佈時間：22:17 2026-11-14 HKT
字體大小
《善男信女》早前獲第63屆金馬獎9項提名，主演楊偉倫、鍾雪瑩及甄玉如今日（11月14日）到旺角影院大派乾炒牛河和星洲炒米答謝觀眾，途中有粉絲更拿着著作《種菜日記》索取簽名。《善男信女》開畫至今已達500萬票房，他們接受訪問時，鍾雪瑩指電影正值開畫第二周尾：「一千萬應該唔難」。楊偉倫則認為：「我覺得好值得行遠。一千萬唔夠啊。」他豪言，香港最賣得的戲「基本上一億多啲」。記者問，即是要挑戰黃子華？他回答：「我挑戰自己啫，咁樣講就簡直係挑戰觀眾啦，挑戰人口比例！」
楊偉倫透露電影最長達兩個半鐘
會用什麼方法「谷票房」？記者笑言楊偉倫是不是騷肌？他先是呆一呆，回答電影有不少精彩，但因片長關係而被刪減的內容。楊偉倫透露現時片長約一個半鐘，但最長曾達兩個半鐘，當中有「好特別」的感情線被刪減。他說：「我唔知觀眾想唔想睇，但係我都想佢面世。」被追問是感情線還是床上戲，他笑說是「有動作」的床上戲，說：「咁樣郁下手腳都係動作嚟嘅。」鍾雪瑩強調要尊重導演意見，說：「成個作品其實屬於導演，我哋都好尊重導演。」
楊偉倫預備用廣東話講感言
訪問中，記者提議下次他們可以即場炒乾炒牛河和星洲炒米。楊偉倫自言：「大家都知我以前係做西廚嘅，意大利菜。」不過，他表示拋鑊就並不是太拿手，會「天一半地一半」。被問金馬獎感言有否諗定，鍾雪瑩說不能想太多：「我衷心一句多謝就夠。」楊偉倫則預備用廣東話講，只因普通話「比普通更加唔普通」：「費事誤解我嘅意思。」
最Hit
