直樂VIURIETY丨湯怡自爆曾投資餐廳蝕6位數 考慮學美容搵老公做「白老鼠」
更新時間：06:00 2026-11-12 HKT
發佈時間：06:00 2026-11-12 HKT
發佈時間：06:00 2026-11-12 HKT
字體大小
湯怡和麥秋成、簡淑兒和麥大力、徐天佑夫婦等昨晚拍攝ViuTV節目《直樂VIURIETY邊個瞓梳化？》，眾人在節目中玩遊戲考驗夫婦默契，其中一個環節由老公整班戟，再由老婆估哪一份是自己老公整，湯怡最初揀錯，幸三思過後決定轉軚揀中老公麥秋成的作品，她事後笑言好彩最後揀中，否則回去要跪玻璃，麥秋成直言初時看到湯怡揀錯都嚇到彈一彈，不過他亦維護老婆，指要揀中其實都幾難。
麥秋成大讚林子祥葉蒨文認真
他透露之後要為林子祥和葉蒨文（沙麗）的巡唱排舞，講到葉蒨文上月在內地演出時差點跌到，他表示幸好最後無事，又說很難叫他們小心和就住，「佢哋好犀利，就算排練都係真唱真跳，想知自己能做到幾多，佢哋非常認真，我好敬佩。同佢哋排舞係要佢哋就住我，沙麗郁得好犀利停唔到，又好有想像力，會話畀你知佢想要啲咩。」
湯怡需時了解美容業
湯怡早前到美容院考察及了解運作，她直言仍需時了解，「我整蛋糕都係學到一定程度才開店，唔係剩係畀錢投資而自己乜都唔識，咁做會有很大嘅風險，之前試過和朋友夾份投資餐廳，最後朋友連間餐廳關咗都冇話我知，乜都冇哂，蝕咗6位數字，係很差的嘅經驗，所以之後要做生意唔會畀自己乜都唔識就去做，我有考慮去學美容，正好老公平時都唔護膚，他可以做白老鼠。」
