璀璨之城大結局丨高海寧搞喊張智霖齊落淚 曾勵珍開聲研究拍續集 揭張曦雯半裸戲刪減真相
發佈時間：01:15 2026-11-07 HKT
《璀璨之城》大結局播完後，眾人即時分享感受，高海寧因張智霖的演出被感動到落淚：「感受到官孝賢（張智霖）角色努力向上爬嘅孤獨，要犧牲好多事。」演出得到認同的張智霖，聽完高海寧講亦忍不住喊了出來。
吳卓羲盼原班人馬開續集
至於在劇中演張智霖細佬的吳卓羲，指期待兩人再合作，又笑言剛才見張智霖飲毒牛奶，但劇情卻沒有交代他死，笑言對方可能仍活著，更表示希望可以拍續集：「但要問監製陳維冠、高層珍姐（曾勵珍）同一眾投資方。」而珍姐也表示可以拍續集，但要監製先度一度，張智霖如何再出場。
高海寧陳瀅陳曉華開心角色受歡迎
劇中高海寧、陳瀅及陳曉華三女的感情關係錯綜複雜，三人受訪時對於角色得到大家喜歡、討論度高、傳閱高覺得好開心，高海寧解釋與陳瀅是盟友關係，陳瀅則表示自己對陳曉華的愛投射到了高海寧身上，而自己亦只是一廂情願單戀兩人，高海寧就搞笑地問陳瀅，鍾意她和陳曉華哪個多點？陳瀅即醒目地表示：「都咁大個啦，做咩要揀？小朋友先至要揀。」
陳曉華難忘陳瀅為自己喊
對於跟陳瀅變成女女CP，陳曉華直言角色離世後見到陳瀅為了自己喊感受好深：「原來走咗嘅人，係真係唔想存在喺呢個世界上嘅人喊，會覺得當初我呢個決定係咪錯？」提到網民大讚她們演得好，有機會爭視后，高海寧表示劇集收視好，大家也希望大結局可以有更高收視：「無論邊個攞獎都好，最緊要係大家鍾意呢套劇，我諗呢套劇會好多提名，因為每個人都有talking point，所以希望有好成績。」至於網民也推陳曉華與江美儀爭「最佳女配角」，陳曉華就表示好開心，因為自己第三集已離開，但大家仲記得她：「有人讚我當然開心，我會繼續努力，希望大家讚我多啲，唔怕收多啲讚賞。」至於是否希望開第二輯？陳瀅表示若開第二輯，自己不想換角色，繼續做Sarah，高海寜就表示要先看劇本，不想為拍而拍。
高海寧解釋張曦雯半裸戲刪減真相
另外，提到張曦雯的半裸戲由本來的7分半鐘刪減到剩下2秒，問到是否會為她感到可惜？高海寧則解釋該場戲是分開兩截播：「佢唔係剪到得返兩秒，係剪走咗兩秒，其實成場戲係由上一集尾嗰3-4分鐘，一路去到Kelly痛苦嘅樣，其實係一場戲，只係因為劇集時間問題，所以剪開咗兩段，即係同一場戲，擺咗喺劇尾同埋另一集嘅劇頭，所以感覺上好似剩翻兩秒，但其實成場戲係差唔多4、5分鐘，（性感得返2秒？）其實不嬲都係咁短，最多剪走2秒，真嘅！我係現場㗎嘛。（預告片長好多。）但係監製都有講過，因應觀眾都會做出少少調整。我知道係一定要剪走少少，但最多兩秒。」對於網民表示希望可以睇足本版，陳瀅笑指這只可以留在現場的人的腦海中，高海寧就表示這要問監製。
