張家輝宣布明年大年初一登陸紅館 首度開大娛樂騷結合笑唱跳 一人分飾5角拍宣傳片掀回憶殺
發佈時間：13:10 2026-11-05 HKT
影帝張家輝今日（5日）正式宣布將於明年2月6日（大年初一）到2月8日（大年初三）一連三日在紅館舉行《張家輝大娛樂騷》，張家輝早前率領一眾影迷耳熟能詳的經典角色，包括《激戰》賤輝、《贖夢》蔡辛強、《賭俠1999》化骨龍、《金雞SSS》哥頓哥及《陀地驅魔人》發仔，冒雨夜闖紅館拍攝宣傳片。
張家輝紅館騷集合「笑、唱、跳」娛樂表演
今次的紅館騷集合「笑、唱、跳」的大型娛樂表演，談到今次開騷的構思，張家輝坦言自己從未有過「歌手夢」，但舞台卻為他帶來了意想不到的契機：「我希望呢個唔係單純係一個演唱會，我唔會用演唱會嘅形式呈現今次內容。」張家輝又稱在舞台效果、演出安排將有特別巧思，希望將「笑、唱、跳」結合為觀眾帶來歡樂的新年。
相關閱讀：張家輝開紅館演唱會？曾橫掃樂壇新人獎 拍戲歌不離口 傳落實明年開騷 經理人8字回應
張家輝今日宣布將於明年農曆年期間一連三日進軍紅磡香港體育館舉行《張家輝大娛樂騷》，官方釋出首支宣傳短片，張家輝在片中一人分飾多角，更神還原激戰》賤輝、《贖夢》蔡辛強、《賭俠1999》化骨龍、《金雞SSS》哥頓哥及《陀地驅魔人》發仔五個經典角色，短片一出隨即洗版社交網絡，不少網民直呼「回憶返晒嚟」！張家輝飾演「蔡辛強」拉開序幕，接著「化骨龍」和「哥頓哥」強行上車搶座。「化骨龍」一上車便囂張挑釁「哥頓哥」：「你唔識我呀？化骨龍呀嘛！」「哥頓哥」寸爆反擊：「化骨龍，哼，我喺尖沙咀蒲嘅時候，你連幫我擋刀嘅資格都冇！」「化骨龍」隨即吹哨子召集同伴，
張家輝一人分身五角誓要衝擊紅館
「蔡辛強」先問是否去小欖，二人即說：「紅磡！」「蔡辛強」開車後說：「我瞓唔著呀，又醒唔返」「化骨龍」和「哥頓哥」輪流整醒「蔡辛強」，期間大抛張家輝在電影中的經典對白：「咁複雜？使唔使點支暹邏嘢呀？」、「兄弟，唔好瞓呀！瞓，你就輸足一世。」接着「賤輝」和「發仔」衝上車並稱：「紅館呀，唔該！」短片最後，五人火速衝上紅館，穿上白色華麗燕尾服、繫上黑色蝴蝶結的張家輝優雅現身，雙手一攤，伴隨滿場掌聲，宣告「大娛樂騷」正式誕生！至於將從影多年的經典角色「大晒冷」的感覺？張家輝笑言：「當然係有特別企圖，我自己好很期待，希望能帶畀大家一啲驚喜，對我以往嘅角色勾起一啲回憶。」
《張家輝大娛樂騷》
主辦：Star Talent Limited
日期及時間：2027年2月6及8日 (初一及初三) 晚上8時15分 ；2月7日(初二) 晚上9時30分
地點：紅磡香港體育館
票價：HK$1280/ HK$880/ HK$580
恒生信用卡優先購票：2026年11月17日 中午12時起 @ CITYLINE
公開發售：2026年11月24日上午10時起 @ URBTIX城市售票網
相關閱讀：張家輝首揭離開亞視真相：話唔同我續約 幸得一人招手過檔TVB 財政大權全交關詠荷
