呂慧儀親揭「回家」真相 霸氣反擊收視壓力：睇唔到需要救亡 傳「龔水CP」強勢回歸
更新時間：23:00 2026-11-04 HKT
發佈時間：23:00 2026-11-04 HKT
發佈時間：23:00 2026-11-04 HKT
字體大小
TVB與HOY TV的「處境劇之爭」連日來掀起全城熱話，《愛·回家之三代同糖》面對強敵不敢怠慢，早前陸續急召「三太」樊亦敏、「KC」歐瑞偉、沈可欣及羅毓儀等《開心速遞》昔日班底，以全新角色空降「回家」助陣挽回聲勢，近日更傳出「龔水CP」呂慧儀與張景淳，亦將「回家」為《三代同糖》開工救亡。
呂慧儀親解開工謎團
對於被傳秘密歸隊，呂慧儀隨後回覆傳媒親自拆解「回家」真相。她透露當日返TVB其實只是為綜藝節目《好嘢港多啲》開工，並非拍攝劇集。她自己亦在社交平台大晒開工好心情：「昨日返公司拍《好嘢港多啲》，開心見到有位好掛住我的姐姐仔，有位都少少掛住我嘅導演哥哥仔，收工有個日日風雨不改企喺大門嘅TVBuddy送我走，即刻回家睇愛回家！開心。」可見「熊若水」雖然未有入組，但依然心繫處境劇，收工即刻返屋企捧場。
相關閱讀：沈可欣加盟《三代同糖》 再有《開心速遞》演員「回歸」 迎戰HOY《你的保安李寶安》
呂慧儀霸氣反擊「救亡論」
早前「KC」歐瑞偉曾大賣關子，預告陸續會有《開心速遞》舊班底加入《三代同糖》。被問到公司有否向她與拍檔張景淳招手返去「救亡」？呂慧儀即霸氣護航，力撐新劇毫無收視壓力：「我見唔到佢哋需要救亡喎！ 我都好鍾意睇《愛·回家》，我見到KC同三太入咗組係完全新嘅角色，我覺得好有新鮮感。」
呂慧儀「回家」等公司安排
至於若公司有需要，會否隨時候命「回家」？呂慧儀就表現得相當佛系：「我就一切都等公司安排，隨緣。（公司有沒有聯絡過妳？）就劇集上嘅安排就未有嘅，不過我都keep住有同公司同事聯絡。」看來各位「龔水黨」想再見到呂慧儀與張景淳在處境劇合體放閃，就要繼續集氣待TVB安排。
相關閱讀：呂慧儀張景淳洩「回家」相？「龔水CP」同日開工疑加入《愛回家之三代同糖》引爆期待
