蔡楓華宣布正式入紙紅館2027檔期：延續光輝 翁靜晶豪出百萬助攻開演唱會圓夢
發佈時間：18:00 2026-11-03 HKT
蔡楓華在80年代主持《勁歌金曲》直播時，因對巨星張國榮發表「一時嘅光輝，未必係永恆嘅」之經典評論，導致演藝形象與歌唱事業遭受重創，隨後更淡出主流樂壇。多年來，蔡楓華雖多次極力否認被封殺的傳聞，但多年來仍未能徹底平反，甚至一度因其不尋常言行而被封為「四大癲王」之一，形象跌至谷底。然而，始終懷揣紅館夢的他，早前獲得好友翁靜晶公開承諾出資100萬港元力撐，在翁靜晶的強力「助攻」下，蔡楓華終於成功踏出重返舞台的第一步，於昨日（2日）在Facebook（FB）宣布已正式入紙申請紅磡香港體育館（紅館）2027年10月的檔期，消息引起廣大樂迷與網民熱烈期待，蔡楓華更呼籲大眾屆時鼎力支持其紅館演唱會！
胡渭康與歌迷留言撐蔡楓華
蔡楓華還衷心感謝全港和國內的歌迷及支持者的支持，翁靜晶亦有轉發蔡楓華的發文並說：「蔡楓華已公告了，希望他順利取得檔期。」其後蔡楓華回覆傳媒說：「非常多謝各界的支持，希望今次紅館能批出場地，讓我可以再踏這個紅館舞台，延續光輝！」不過他未有透露打算開幾多場，只稱待批出場地再定。蔡楓華對上一次在紅館開演唱會，已經是2012年舉行過一場《蔡楓華情陷紅館演唱會2012》，不少人都留言表示支持，胡渭康留言說：「期待。」還有人留言支持：「向理想出發，加油！祝願呀 Ken紅館演唱會一切順利！『也許』每『一代人』，都問『怎麽會愛着你』的歌... 期待呀Ken成功，不斷『日以繼夜』，在『突爆的光芒』，明年『繼續去』用『生命的動力』，在『高溫境界』下，成功在紅館唱〈倩影〉，〈何必曾相識〉，〈十年〉等... 好多好歌唱畀大家聽！」、「Ken，快啲開始健身減肥練歌操fit自己，給粉絲們耳目一新的感覺，將事業再推至再高峯。」、「Ken哥你嘅歌好好聽！祝你演唱會大成功！」
相關閱讀：蔡楓華澄清從未被封殺 爆「剎那光輝」後拒向張國榮道歉 翁靜晶豪氣課金蔡楓華再戰紅館：我出200萬
翁靜晶豪氣出百萬撐蔡楓華
今次假如蔡楓華成功取得紅館檔期的話，製作費絕非細數目。蔡楓華早前亦曾在翁靜晶的節目上表示最近問過價，紅館開騷大約要400萬資金，當時翁靜晶豪氣地說：「我出100吖！我鍾意呀，我係一個好慳好窮又冇錢嘅人，但係我好願意出呢100萬，好唔好呀？最多出到200萬啦，好辛苦㗎喇。有心去做點解唔做？錢啫，唔係好大問題，好冇呀？如果要做，佢哋一定夾到出嚟，做乜要聽人制肘？400萬就400萬 ，而家社會唔同，啲人買架車都幾百萬。」至於今後工作，蔡楓華坦言仍有好多心願未做：「我仲有好多心願未做，但係我而家最擔心嘅係我嘅健康，我嘅年紀，因為時間過咗冇得返轉頭，好似做廣東省巡迴，正正式式的廣東話巡迴，仲有Atlantic City，即係是大西洋城，以前我經常去，去埋拉斯維加斯，美國好多地方去過晒。」
相關閱讀：蔡楓華罕除黑超揭右眼傷殘真相 遭30人伏擊用鐵蓮花插眼致殘：再低少少就冇
