Twins剖白入行原因超現實：要養家囉 阿嬌低潮認清虛偽朋友 阿Sa自爆跨國瘋狂事
發佈時間：17:00 2026-11-03 HKT
Twins 的蔡卓妍（阿Sa）及鍾欣潼（阿嬌）近日作客網上節目《#genz聊什麼》，大談昔日入行搵錢的辛酸，並與現代「00後」拒絕奴役的工作態度作對比，真誠剖白由名利雙收至尋回初心的心路歷程。兩人除了憶述當年最地獄、最辛苦的工作日子外，蔡卓妍更驚爆自己曾做過極度「Gen Z」的瘋狂追星舉動，展現出天后鮮為人知、充滿反差萌的一面。
Twins 入行原因好現實
節目中談到兩代人對「工作與夢想」的看法，蔡卓妍和鍾欣潼坦言她們的起點並非「追夢」，而是極為實在的生計考慮。鍾欣潼直言：「入行嘅時候，無話係追夢，係好現實、好實在，要養家囉。一邊做一邊去感受呢一行，慢慢熱愛。」蔡卓妍亦表示，自己小時候其實根本沒有夢想，因為現實生活並不允許：「初初嘅時候真係無（夢想），其實個人無乜夢想。我以前讀書嘅時候無去過旅行，邊有錢？無錢啊。」她更笑言自己小時候夢想常常變：「睇電視劇、TVB 播咩戲，我就想做律師、醫生等，覺得好有型。」兩人在毫無準備下糊里糊塗地入行，卻一步步闖出名堂，成為香港樂壇的傳奇組合。
相關閱讀：阿Sa蔡卓妍面紅耳赤斥「債仔」張致恒：火都嚟！人哋冇欠你㗎嘛 被欠金額當畀利是小朋友
阿Sa曾飛沖繩瞓沙灘追星
蔡卓妍分享自己年輕時也曾做過堪比現代 Gen Z 的瘋狂事。當時工作滿檔的她，竟為了追星而隻身飛往沖繩。蔡卓妍表示：「因為我嗰時好鍾意椎名林檎，但工作好忙。咁啱畀我知道，原來上海飛沖繩好近，我即刻買機票去。去到 check 旅遊書，話沖繩有一個沙灘，啲沙係星形嘅，我諗住去睇下、諗住『瞓沙灘』。點知去到被佢（鍾欣潼）發現，而咁啱我喺沖繩又撞到其他 artist，佢即刻打電話畀嗰個 artist 講：『你而家同佢即刻去 book 間房住！』」
Twins爆當年5日瞓3個鐘冇得沖涼
Twins 憶述當年工作量爆棚、身體與精神均達到極限的「地獄日子」。蔡卓妍憶起當年的密集行程仍心有餘悸：「我哋試過一日飛三個地方，你起身嘅時候，都唔知自己喺邊度。」鍾欣潼亦表示：「最誇張試過同時拍緊幾套戲，五日得三個鐘瞓，仲要唔畀我哋返屋企。最地獄係浸完嗰啲好污糟嘅泡泡水，又唔畀你返去沖涼。就喺一個好細嘅洗手間，真係得一桶水，叫我哋抹身。」
相關閱讀：阿嬌鍾欣潼富養寵物 愛犬用3萬元LV、名車代步、坐頭等艙 網民羨慕：我都想做狗
鍾欣潼走出低谷認清真朋友
談到如何走出低谷，兩位經歷過風風雨雨的天后，也給予了 Gen Z 世代最誠摯的建議。蔡卓妍表示：「你要經歷下一啲低谷嘅時期。你經歷咗低谷再爬返起身，其實你成個人、成個狀態都會變成一個 brand new 嘅自己。」至於面對負評，鍾欣潼表示：「負面評論？唔好睇囉！同埋當你覺得不如意嘅時候，好多朋友會疏遠你，咁疏遠嗰啲朋友，你咪直頭 cut 咗佢囉！你要識得一啲真正嘅朋友，真正嘅朋友會鼓勵你。好多時，其實係你自己心入面放大咗件事。其實你出到街，無人理你，無人知你經歷緊咩，你過到自己嗰關就得。」
相關閱讀：阿Sa蔡卓妍大談造人計劃 首爆浪漫求婚細節 被老公感動落淚：睫毛液溶咗流黑眼淚
