Ice親密貼身為陳星妤按摩前女友郭珮文目擊呷醋爆粗俞鋆瑞被轟零邊界感丨女神配對計劃2

更新時間：17:00 2026-11-02 HKT
發佈時間：17:00 2026-11-02 HKT

由林盛斌（Bob）主持的TVB戀愛真人騷《女神配對計劃2》熱播以來話題不斷。其中，擁「最強Body」的郭珮文（Juliana）與其相戀近四年的前度男友俞鋆瑞（Ice），在節目中的關係走向一直是全城焦點。這場「世紀復合之旅」本來讓不少網民敲碗期待，然而在最新一集節目中，兩人的感情卻因「邊界感」問題驚爆重大危機。

俞鋆瑞公然貼身按摩惹公憤

在第九集的「水上騎膊馬」混戰中，俞鋆瑞被編與新加入的「隱藏女神」陳星妤（Yvette）一組。為了爭勝，俞鋆瑞不僅與陳星妤頻頻咬耳仔，更公然在鏡頭前為對方貼身按摩，令站在一旁的前度郭珮文直言：「其實我見到係有少少妒忌，始終佢同另一個女仔咁親密。」另外，亦有網民發現郭珮文與前度俞鋆瑞（Ice）腳上不約而同踏著同款潮流拖鞋，猜測兩人是否早已在鏡頭外舊情復燃。

俞鋆瑞對異性「零邊界感」引爭議

「水上騎膊馬」大混戰中，除了陳星妤失控箍頸強撳陳若思落水而被轟人格破產外，俞鋆瑞對異性的「零邊界感」同樣引發爭議。事緣，原本與陳星妤一組的俞鋆瑞，為了爭勝不斷與對方咬耳仔，還幫陳星妤按摩增加戰力，令看在眼裏的郭珮文打翻醋罈子，忍不住咀藐藐爆了一句：「妖！」

事後，郭珮文的好姊妹陳若思忍不住提出：「你哋拍拖都一段時間，佢仲會做呢啲，證明呢個問題一路都存在。」郭珮文雖然直認曾為此呷醋及「有啲唔舒服」，但仍強調是因為俞鋆瑞人好及「比較多女性朋友」。但當聽到不止一個人都覺得俞鋆瑞可能有問題時，郭珮文先是猶豫地「嗯」了一段長時間，再突然大動作謂：「我覺得我說服咗自己，係我嘅問題，係我嘅問題，係我嘅問題。」

梁敏巧痛心力勸郭珮文錫自己

郭珮文的屈就大大觸動了梁敏巧的神經，她肉緊勸郭珮文：「你唔可以咁架，覺得你唔舒服吖嘛，咁唔係就到咯，係你喺度忍受緊，你喺度虐待緊自己呀。」郭珮文說：「我覺得我比較flexible個邊界感，我可以遷就到嘅。」郭珮文的求愛勇者伍頌曦亦出口勸郭珮文要多愛自己：「我覺得你為咗人咁係好sweet，但你都唔可以sacrifice自己嘅well-being。」梁敏巧聞言亦感嘆：「So true！你要錫自己呀，唔好成日虐待自己啦喺段感情度。」

而伍頌曦追加的一句：「安全感呢樣嘢我一定畀到你」，獲網民大讚型到核爆，一夜之間人氣急升。郭珮文事後坦誠發現自己原來可以介意：「之前同Ice都有少少磨擦，嗰時覺得自己係咪有少少無理取鬧，今日大家竟然話畀我聽呢樣嘢ok喎，我可以介意一下呢件事，唔係我一個人承受晒所有唔開心。」

葉蒨文提醒俞鋆瑞注意邊界感

其後，被陳星妤轉移至何沛珈組的俞鋆瑞，亦被小組組長葉蒨文提醒要注意「邊界感」問題。葉蒨文以普通話與Ice交流：「我剛看到Yvette在玩時，你有一直跟她按摩嘛，每個人程度不一樣，但在我看來，感覺蠻多女生會在意的。」俞鋆瑞卻死撐：「說實話，我對Yvette very friend，只是only friend，當時我只是想，如果我能幫她recover，我最大目的只是希望贏。」

葉蒨文繼續為郭珮文討公道說：「Juliana其實是內心挺細膩的人，我覺得她會介意。」俞鋆瑞續指：「我跟Juliana以前有很大的問題，我對我的女生朋友，我是真的對她們有愛的，Platonically（純友誼）。」事後Ice在Green Room亦再強調，自己對男女朋友都會心痛，但「一點都沒有像愛情的感覺」。

網民力挺郭珮文配對Preston

對於兩人的感情狀況，不少網民力挺郭珮文，紛紛留言指：「Ice好無邊界感，做佢女朋友無乜安全感。」、「Juliana請同Preston（伍頌曦）配對吧！」亦有心痛郭珮文的網民表示：「睇完呢一集，開始想佢哋復合失敗，如果唔係真係好難忍，會屈出病，長遠嚟睇，無必要咁樣虐待自己。」、「希望過咗呢集之後，Ju（郭珮文）會醒番起當初分手其實唔單只係**LD（異地戀）**呢啲物理性條件，而係呢個人本身就同其他異性0邊界感。」

未知是否因為這個原因，日前俞鋆瑞突然在IG貼出自己身在美國LA的相片並說：「我回LA了，無獎競猜我為甚麼回LA。」不過，亦有網民因二人在節目中穿上同款拖鞋，猜測他們早已復合，有人更嘆道：「超勁，咁都睇到，咁可能真係藕斷絲連。掟煲唔掟蓋，Preston慘。」