陳健安大方回應踢波被扯衫：球場事球場了只嬲一秒 胡子彤曾被批踭嘴唇內縫10針
發佈時間：07:00 2026-11-02 HKT
陳健安、劉穎鏇、林愷鈴、胡子彤、梁釗峰、雲浩影、黃淑蔓等昨天一同為《903 Allstar 籃球賽》訓練。原定會參加訓練的903、肥仔、Candy王家晴則因工作關係缺席。胡子彤和陳健安接受訪問，陳健安表示已是他第三次參加，而胡子彤則是第一次。
胡子彤唔敢約靚女食飯
首次參加籃球賽，胡子彤大表興奮，坦言可以認識新朋友。記者笑說他可以趁機認識一下其他公司的靚女，也可以約食飯？他就反問：「你心目中想我約邊個？」不過，他就以「無謂嚇親人」為由開脫。
陳健安踢波被扯衫沒放在心上
談到運動，早前網上瘋傳陳健安踢波時被對方扯衫一片，他解釋說：「球場事球場了。」直言對方收到了球證「畀牌」，他就沒放在心上：「嬲一秒咁囉。」
胡子彤自認年紀大唔再衝動
胡子彤也分享，約三年前踢波，企圖上前幫隊友之際，調停時突被對手批踭，最後嘴唇內縫了10針：「嗰排仲要就嚟開工。」不過當刻並沒有還手。為什麼沒有？他回答：「以前可能會，而家年紀呢就有返咁上下啦。細個可能踢街波呀一定會有，但係而家又真係唔會咁，除非你郁手，你郁手我就即刻畀sorry，同埋我冇意思打，但係你唔好越咗嗰條線。」
林愷鈴讚劉穎鏇球技好
林愷鈴、劉穎鏇接受訪問，兩人表示一年前在某個活動場合曾碰面認識。林愷鈴讚劉穎鏇球技好，相比起自己，只是中學時期學過籃球，球技自然比不上。劉穎鏇則表示能與新朋友一齊打籃球感到開心，讚氣氛好好。講到男子組，她們均表示男子組認真。劉穎鏇透露，自己沒有打籃球已有一段時間：「我冇估到之前有好長時間冇打過籃球，突然間近一兩年就pick up返。我都好開心。」林愷鈴和劉穎鏇在不同電視台都有演出，又有沒有睇過對方演出？劉穎鏇回答：「有睇佢IG。」林愷鈴也透露，近來忙於新歌製作。
林愷鈴劉穎鏇強調要保護自己
談到濱崎真緒工作被人在飲品中「落藥」一事，她們表示沒有睇新聞。林愷鈴回應：「暫時嚟講，保護自己其實係嘅，但係我呢排未得閒出去玩。」劉穎鏇則指飲品要跟身，保護好自己。林愷鈴續道：「我好相信我哋團隊會保護到我，令到我可以專心投入我嘅工作。雖然我唔係好清楚，我會覺得個其實應該係focus喺個加害者，唔係受害者，雖然我哋唔知係邊個啦，唔知點解會咁做。」
