陳展鵬懶理劉愷威、黎紀君戀情︰打波唔八卦姚子羚《玫瑰戰爭》激過《璀璨之城》

影視圈

更新時間：11:15 2026-10-31 HKT
發佈時間：11:15 2026-10-31 HKT

劉愷威早前被《東周刊》獨家拍到與黎紀君甜蜜約會，而兩人接受傳媒訪問時大方認愛，昨晚（30日），同劉愷威是「波友」的陳展鵬，擔任台慶綜藝節目《弊傢伙！有嘢唔見咗！》主持，被問到最近是否有跟對方打波時，他表示最近少打波，自己打波通常也是會跟老婆單文柔一起打，「即係去打波，冇諗過佢同佢有咩關係。即係口嗰啲佢又唔鍾意佢、咁佢又好似暗撻、嗰個原來有一手，冇諗呢啲嘢。打波嗰個零、兩個鐘，有場梗係出啦，keep fit做熱身咁出身汗啫。」另外，對於首次做遊戲節目主持，陳展鵬坦言開心，認為所有步驟都要好清晰，故也會看節目參考。問到其執生能力如何？他指有進步空間。

視帝陳展鵬轉跑道

提到最近「視帝」都轉行做主持，他說：「我都想繼續拍多啲戲，但係我哋做香港藝人，就乜都要做，全能藝人嚟，咁公司又問我有咩未做過，我話呢啲（節目），我都鍾意睇，因為好多前輩，如叻哥（陳百祥）、志偉哥（曾志偉）、汪阿姐（汪明荃）、Do姐（鄭裕玲）做好多。」提到陳展鵬、姚子羚12月一起到美國登台，對於兩人合作的台慶劇《玫瑰戰爭》（其他演員尚有林夏薇、姚子羚、陳豪、馬國明）未播映已掀起話題，陳展鵬指好多人睇中姚子羚，大讚她唱歌不錯，「我掹姚子羚車邊！」姚子羚未開始練歌，稍後會跟陳展鵬討論歌單。在當地過聖誕？她指不會，在港有其他工作。陳展鵬未知屆時是否帶太太、女兒同行，同時稱開始宣傳《玫瑰戰爭》的工作，未試過可以跟那麼多的拍檔，：「希望觀眾繼續鍾意睇我哋嘅港劇。」至於《玫瑰戰爭》當中是否會有像《璀璨之城》般「激烈」場面？姚子羚大賣關子說：「睇咪知囉！」