余香凝外傭突離職被追債五位數頭痕田啟文視AK金馬勁敵︰降呢打壓老人家

影視圈

更新時間：12:15 2026-10-28 HKT
發佈時間：12:15 2026-10-28 HKT

余香凝昨晚（27日）出席電影《善男信女》慈善首映禮，她稱最近好忙，因為工人姐姐突然離職，搞到手忙腳亂。續說，原本今個月入劇組，結果延期，現時陪伴小朋友及應付家事，問傭工離職有無手尾跟？她直言有少少，問是否有人追債？余香凝說：「係，都五位數字，因為即刻處理咗文件啲嘢，所以都OK，（冇損失）係，真係第一次經歷，手忙腳亂。」至於日後再請工人姐姐是否有陰影？她指日後請傭工不會有陰影，明言今次有被呃的感覺，有點心痛，同時堅持日後亦會將心比心去待人。

余香凝欣賞對手鍾雪瑩

提到《善男信女》鍾雪瑩跟她一樣，獲提名第63屆金馬獎「最佳女主角」，問到是否來看對方的表現？她說：「唔係，我係嚟欣賞，因為阿倫（楊偉倫）、鍾雪瑩同埋彭秀慧都有入圍，所以我好期待呢套戲，知道有首映即刻話嚟，（搵佢哋合作？）有就好啦，梗係想啦。」余香凝又表示，能夠憑《雙囍》獲提名經已十分驚喜，自己對奬項無太大信心，對田啟文就有信心，「台北電影節已經攞過一次，我覺得佢今次得㗎！我就冇特別去諗，都係做吓運動Keep吓身形先，最緊要靚。」

田啟文爭金馬男配超大壓力

同樣憑《雙囍》首度入圍金馬獎「最佳男配角」的田啟文，對於被外界睇好得奬，他直指壓力好大：「如果真係唔得就比較𤓓，（你已經有一個喺手！）咁又係，最好係喜事成雙，咁就真係《雙囍》！」對於「女兒」余香凝表示看好他，田啟文指對方任何時候都支持，好孝順。覺得誰人是自己的最大對手？他坦言是AK（江𤒹生／《我們不是什麼》），而AK也曾這樣說，田啟文笑言︰佢敬老啫，擺明AK係降格嚟打壓我哋呢啲老人家啦，佢明明係男主角，男主角跳落嚟爭飯食，大家開心啦，鹿死誰手都唔知嘅！」