廖碧兒默認戀70歲呂禮章 否認百億男友贈4卡求婚鑽戒︰唔想有壓力 甜認有結婚劇本
發佈時間：14:16 2026-10-25 HKT
現年47歲的廖碧兒（Bernice）今年6月被《東周刊》獨家直擊身邊出現一位低調男士，結伴進入九龍塘私密會所「九龍塘會」密會。其後該男士身分曝光，是現年70歲的東華三院前主席、擁百億身家的呂禮章（John）；而早前廖碧兒到尖沙咀超市巡視旗下自家咖啡品牌專櫃時，呂禮章亦全程陪伴左右，更拿起手機充當「專屬攝影師」為女友錄影，非常甜蜜。
薛家燕爆廖碧兒婚事近
廖碧兒今日（25日）出席慈善步行籌款起步禮，春風滿面的她被問到是否嫁得？她聽到即笑說：「呢啲唔諗住，最緊要開心，一路都冇呢個壓力，我媽咪、爹哋都冇畀，我都唔畀自己壓力，順其自然。」提到之前大晒4卡求婚鑽戒，她即否認，指那是找專人（曾為Taylor Swift設計珠寶）為自己設計入行25周年的戒指，問有無收到其他戒指？廖碧兒說：「冇呀，自己送俾自己，你幫我尋找一下。」記者稱，薛家燕早前指，要祝福她，及已「準備好人情」，廖碧兒即扯開話題：「我都祝福佢，大家祝福大家，最緊要開心健康。咁一路我都當佢（薛家燕）係媽咪，我哋成日約，好多嘢都同佢分享。」
相關閱讀：劉愷威黎紀君認愛丨戀情比事業更精采 從鄺文珣廖碧兒到楊冪李曉峰位位高顏值 拍拖結婚成熱話
廖碧兒親解「I Love B」示愛照片之謎
至於之前在社交網上載化學煙霧造成的空中文字「I Love B」照片，她解釋那不是無人機，而是飛機造成：「只係見到啱啱有B咪拍囉，飛機公司都多謝咗我，係唔關我事。（係咪驚喜？）唔係呀，其實係送畀全世界，唔係專登送畀我，你哋諗多咗。（有乜嘢只係送畀你？）Friendship、感情、愛情，好似朋友咁支持我做緊嘅嘢（咖啡、酒），我有咩活動佢都支持。（結咗婚先話畀外界聽？）唔知喎，未諗呢啲嘢，最緊要開心，我而家仲追求緊我嘅夢想。」
相關閱讀：廖碧兒隨時做百億豪門少奶？甜晒4卡巨鑽薛家燕等請飲 傳秘戀70歲百億富豪身價暴升
廖碧兒有結婚劇本
廖碧兒續說，最近在內地參與女性企業家比賽，進入了十強，而明年4月代表香港去澳洲比賽。提到她感情、事業兩得意，如果得獎，可會考慮下一步就是結婚？她表示：「好！你哋幫我編埋劇本出嚟！好！」同時透露，11月在會展搞展覽。問男友是否出現支持？她默認，並表示「不知道」。記者指她之前去超市巡視業務時，男友也充當攝影師，她說：「朋友、家人當然會支持！」
廖碧兒祝福舊愛劉愷威有新歡
另外，廖碧兒舊愛劉愷威早前被《東周刊》獨家踢爆與黎紀君拍拖，她指剛從內地返港，甚麼事也不清楚，戥朋友開心，「祝福佢！」記者指，她與舊愛的感情生活一樣甜蜜，她說：「我唔知，你要問返人哋有冇咁sweet，（你係甜蜜嘛！）係咩！Thank you！」
相關閱讀：一周星星丨廖碧兒被逼供落淚默認蜜運中 甜認依家好開心 被薛家燕催婚：到時話畀你聽
