女神配對計劃2｜阮嘉敏讚求愛勇者夠專一郭珮文復合前度看長遠陳若思自爆與「她」八字最配合

影視圈

更新時間：00:15 2026-10-25 HKT
發佈時間：00:15 2026-10-25 HKT

阮嘉敏、郭珮文與陳若思今日（24日）出席《女神配對計劃2》活動，阮嘉敏在節目中因未揀選吳旭東（東東）搞到對方喊，她指東東與自己一樣容易開心又容易不開心，所以深信對方很快會沒事，問到事後有否𠱁對方？她說：「我有同佢講唔好喊啦，做乜嘢喊呀？佢話唔開心囉，我話依家氹番咪開心番囉！」對於東東今日用廣東話表白，她指對方是用App去學，又笑指現在他反過來指自己有懶音，令她自覺慚愧：「佢幾聰明，學嘢好快，語言天分幾高，佢好快識應到香港節奏，佢幾叻，如果我係佢我未必得。」提到東東對她很專一，阮嘉敏亦覺得好彩，兩位求愛勇者對她都很專一，自己也可以專心去揀誰比較專一。

陳若思求愛勇者性格大不同

至於身旁郭珮文也讚東東專一，但就講錯變成「忠心」，笑言自己也要向東東學中文，問到覺得前度Ice對她是否也忠心，郭珮文坦言也見到他對自己的誠意，至於是否打算復合？郭珮文就表示還在考慮：「如果喺番埋一齊，目標係長遠少少嘅嘢。（結婚生仔？）如果係埋一齊嘅話，所以未做到個決定都唔會選擇，否則個意義喺邊？」至於有阿朗及Alan兩位求愛勇者的陳若思就認為性格上跟Alan相似，而阿朗則剛好相反，認為阿朗可忍受他的脾氣，所以阿朗會較合襯，但因為節目未拍完，所以仍未揀到，但指自己心水是郭珮文，因兩人八字非常配合。