盧宛茵揭「臭寸女星」鬧岳華唔識做戲 激到前輩嬲爆口窒：通行都知佢唔合群
發佈時間：10:00 2026-10-15 HKT
近年已半退休的73歲盧宛茵（Madam Lo），多年來塑造無數經典「阿媽」、「外母」角色，近日盧宛茵接受傳媒專訪時，談到已步入「半退休」狀態，只接自己感興趣的工作。期間盧宛茵分享現時的人生觀，意外爆出曾在片場親歷被某女演員自大一面，已故岳華和陳鴻烈都試過被對方批評。
盧宛茵指女演員自以為是
盧宛茵提到在娛樂圈的見聞，大爆曾遇過非常霸道又自以為是的後輩。盧宛茵特別分享一段往事：「有一次，一個女演員呢就……好唔合作嘅。即係嗰個女演員，個個都知嘅，不過我唔開名。個個都佢係邊個，佢係人都話嘅。即係我又話，陳鴻烈又話」。
盧宛茵指女演員「大細都話」
盧宛茵續指：「我最記得有一次岳華，岳華依家過身喇，好耐喇。嗰時喺錄影廠拍完出嚟，我喺化妝間，岳華見到我好忟咁。我問：『華哥咩事呀？』佢話：『嗰個……佢竟然話我唔識做戲喎』，岳華同我講。我話：『吓？』跟住冇耐佢（岳華）都返加拿大」。盧宛茵雖然沒有開名，卻暗示：「呢個女演員其實好多人都話過佢，好唔合群嘅。即係個個都話，不分大小，大又話、細又話、乜又話，好似佢至叻咁。」
相關閱讀：73歲盧宛茵三代同堂出鏡 四個孫廚藝勝嫲嫲 兩子罕露面撐阿媽 曾剖白與前主播離婚原因
相關閱讀：陳曼娜指商天娥疑默認欺凌楊思琦：真係好想佢打嚟鬧我 還原衝突經過有人聯手恰𡃁妹
盧宛茵面對不分尊卑、個個都彈的人，會先反省自己的演技，再了解對方批評的動機。盧宛茵提到拍攝劇集《非份之罪》時，曾被後輩導演針對，辱罵「戲屎」和「一碌木」。盧宛茵直言是對方習慣施加「下馬威」，當時劇本要求她站起來拍枱破口大罵，導演卻要求拍完枱坐下來罵，盧宛茵認為不合情理便堅持己見。
盧宛茵抗拒日夜顛倒拍劇
盧宛茵去年約滿TVB後決定不續約，坦言自己已是長者，不想再過日夜顛倒的拍劇生活，但盧宛茵強調自己對演戲充滿期待，一直在等待好角色出現。盧宛茵希望能被導演發掘出不同的特質，特別想挑戰表面正常、實際是精神有問題的殺人犯等，從未演過的角色。
相關閱讀：獨家丨盧宛茵揭黎彼得最後時光：醫院插喉有痰講唔到嘢 經典歌《浪子心聲》金句源自廟街睇相佬
