東張西望｜29歲男保安癡心錯付中女老千被當提款機損失逾廿萬女方曾背夫偷情流出床照

更新時間：11:39 2026-10-10 HKT
發佈時間：11:39 2026-10-10 HKT

昨晚（9日）《東張西望》報道29歲癡情男保安，於網上結識大自己10年的地產女經紀，雙方迅即打得火熱變成情侶，已單身數年的男保安以為尋得真愛，怎料對方是位爛賭大老千，期間多次問他借錢共24萬，後來男保安更得悉對方曾背着丈夫跟上司偷情並流出床照，最終男保安將她告上法庭，《東張》於庭外追訪女經紀，她矢口否認有向男保安呃錢。

男保安網上遇女老千

今年29歲的Daniel，是位斯文內向的男保安，因為單身數年，決定用網上交友APP識女仔，最終結識做地產又做保險的Soso，雖然女方比自己大十年，但Daniel覺得她為人上進，是個好女仔，雙方很快發展到拖手睇戲行沙灘，雖然Soso不想公開二人關係，但「沉晒船」的Daniel也不介意，更想未來買車接載女友。

Soso爛賭搵水魚Daniel提款機

不過Soso好快露出狐狸尾巴，有一天向Daniel表示自己「冇錢交電費」借了3千元，之後改口稱自己到了澳門玩老虎機，Daniel見到女友的真面目覺得好驚訝：「佢可以玩足一日一夜，過程好似見我唔到咁。佢當日輸咗好多錢，都有成10萬」。其後Soso再向Daniel甜言蜜語，表示男方應該要為女友解決難題「唔係點付託終身」。Daniel指Soso之後用盡所有藉口向他借錢：「佢直頭當我係ATM咁撳」，最終男方前前後後共借出24萬。Soso欠男方廿幾萬後，反怪對方「逼到自己抖唔到氣」而曾遠走加拿大，Daniel當時夢醒並不斷向女方追債，更令女方於加拿大失掉工作。

Soso拒絕回應指控

Soso之後回歸香港，但仍懶理Daniel，在Daniel明查暗訪下，知道Soso當日離婚的原因，原來當日她背着丈夫跟上司偷情，二人的床照更被流出網上。結果Daniel告上法庭入稟小額錢債審裁處法，向Soso追討部份欠債。當日聆訊完畢，《東張》追訪Soso就Daniel的指控作出提問。Soso一直以趕時間為由迴避，但最終拒認對Daniel的感情瓜葛有欺騙成份。對於Soso拒絕回應指控，Daniel向《東張》表示：「Soso話佢只係喺能力範圍還到5萬元畀我，仲要分期每個月還5千蚊畀我，我當然唔接受，佢之前已經爭我，唔係只係得嗰7萬幾，仲有其他數都未計，成件事佢真係好乞人憎，我唔會對佢再有保留、留戀，佢呃得我好犀利，我都會好好反醒下，唔會亂咁喺網上識人，錢銀都會更加小心。」