「雙面人」梁文禮世紀碰頭梁詠琪遭自己人暗寸商台FB抽水「寫包單唔會唔出聲」

更新時間：22:30 2026-09-22 HKT
發佈時間：22:30 2026-09-22 HKT

商台節目《叱咤樂壇》DJ梁文禮曾因在三年前公開發文稱讚梁詠琪（Gigi）演唱會，卻在私下的社交平台批評，直指演唱會「Flow差、歌編得差、舞差、當然佢唱得差啦」，被網民嘲諷是「雙面人」。近日梁詠琪現身商台宣傳時，與過節的梁文禮碰頭，引起網民關注，節目完結後，梁文禮更被商台同事在官方FB專頁暗寸。

梁文禮遭大眾嘲諷

商台官方FB在《在晴朗的一天出發》專頁分享直播照片，並配上意有所指的帖文：「無論有冇人叫都好，三位主持坐得入嚟一定會講句嘢，寫包單唔會唔出聲！放心！」疑暗寸被梁詠琪點名叫「喂你講句嘢啦」的梁文禮。對於梁文禮被同事「抽水」，FB專頁的帖文下有大批網民留言，笑指「做乜寸自己同事」、「臨尾都要抽下水」、「呢邊唔係可唔可以出句聲，係可唔可以出少句聲先啱」。

梁詠琪近日到商台為節目《叱咤樂壇》擔任嘉賓，為今年11月在紅館舉行30周年《梁詠琪LOVE GiGi愛自己世界巡迴演唱會》香港站宣傳。梁詠琪當日與梁文禮是相隔三年首度在直播節目中同場，二人「世紀碰頭」成為焦點。在節目進行期間，直播的畫面中，梁文禮全程只聞其聲不見其人，未見與梁詠琪同框。