何雁詩駁斥「放逐病子」揭移加原因 湊仔曾遭冷眼心疼罕病兒被當癲 爆同鄭俊弘關係起變化
發佈時間：16:30 2026-09-19 HKT
何雁詩與老公鄭俊弘（Fred）的兒子鄭讚廷（Asher），在1歲半時確診患有罕見遺傳病「天使綜合症」（Angelman Syndrome）。夫婦二人除積極帶兒子赴美治療及入讀香港S位特殊幼兒中心外，近日何雁詩受訪時坦承已安排Asher移居加拿大溫哥華生活，由家人協助照顧，並入讀配有專屬導師的正統特殊學校。面對部分網民狠批兩夫婦家境富裕卻「留港搵銀、放逐病子」，何雁詩親自解構箇中原因，直言香港生活環境狹窄，帶特殊兒童外出時更飽受旁人奇異眼光與「冷暴力」，身心承受巨大壓力；為了給愛兒更完善的配套支援及成長空間，她甘願背負網絡「棄養病子」的罵名，與鄭俊弘正式展開「輪更制」的太空人生活，並坦言夫妻倆已轉化為「Team Asher」的合作關係，一切以兒子福利為先。
何雁詩認為外地配套更完善
何雁詩強調送走兒子Asher的唯一原因，純粹是為了給他最好的成長環境。她直言外地的特殊兒童配套與社會包容度遠比香港完善，在香港帶特殊兒童出門往往承受極大壓力：「對於特殊兒童嚟講，嗰邊啲Support同容忍度會大啲，始終地方大啲，周圍都有大嘅兒童公園，唔使同人爭，行路都阻唔到人，大家嘅壓力都少啲，心情會輕鬆啲。」
何雁詩更自爆曾在香港與溫哥華遭遇「冷暴力」。她透露曾試過一家人在戲院睇戲，事前已刻意挑選最少人及角落座位的影院睇動畫片，兼且做足兒子隨時失控的心理準備，可惜仍無濟於事：「Asher啲動作係好突然，當預測到佢會有大動作前，盡量箍住佢啲手腳，不過都Feel到隔籬啲眼神會覺得我個仔『做咩咁癲嘅』，臨走時我都講唔好意思，講畀佢知我個仔係特殊兒童。另一次，個仔喺影院需要好靜嘅環境時突然大笑，我都叫佢靜少少。」
相關閱讀：何雁詩證4歲罕見病兒子移居加國 隔一兩個月才見一次被轟「棄子」 夫妻輪流返加照顧
何雁詩直言特殊兒子難控制自己
此外，何雁詩又試過在溫哥華睇球賽時，因Asher對水特別好奇，不慎弄跌後座球迷的啤酒並摔在地上。何雁詩即時致歉並欲移走啤酒：「因為唔想Asher再掂到，執番罐啤酒放落地，點知嗰個球迷就話我：『罐啤酒唔可以擺喺嗰度咩？』我解釋個仔控制唔到自己，唔想再整瀉佢罐啤酒先咁做。自從Asher出世後，我同人講得最多係『唔好意思』。」雖然Asher年幼不懂事未有影響心情，但何雁詩坦言內心相當難受，甚至自責自己做得未夠好；但她明白同類事件往後仍會發生，因此必須學懂調節心理素質。
輪更做空中飛人 與鄭俊弘昇華合作關係
何雁詩透露現時Asher出入仍需要大人抱及坐BB車代步。為了陪伴愛兒，她與鄭俊弘展開「輪更制」的空中飛人生活。這半年間她已飛了近3次，更因臨時要飛加拿大而無奈推掉工作，令她大感挫敗。但何雁詩堅拒長居溫哥華：「溫哥華咁慢嘅生活節奏唔啱我，唔會放棄香港市場，只係工作模式會變，要夾期。Asher一日都唔可以冇父母喺身邊，我哋會輪更留喺嗰邊，有工作先飛走。我呢半年飛咗2、3次溫哥華，預計1年大約有2至3個月喺嗰邊，其餘時間由Fred陪，我諗可能1個月只見到Fred幾日。」
在這段期間因突發狀況錯失工作機會，一度令何雁詩心情跌落谷底：「唔係錢嘅問題，我接唔到個工作，覺得自己好唔專業。好在個客肯搵Fred頂替，感激經理人公司好配合我，唔會講難聽嘅說話。」被問到長期的「太空人」生活會否引爆婚姻危機，何雁詩坦言有了小朋友後，雙方早已沒有了二人世界：「大家嘅Focus都全放咗喺個仔身上，都冇諗點樣維繫關係，我哋而家係Team Asher嘅合作關係，一切以小朋友行先。佢都信得過嘅，其實佢有仔就萬事足，我對婚姻都有信心。」她明言為愛兒著想，甘願付出雙倍金錢、體力與精神的代價：「做人父母一定攰，都知個仔越嚟越大，嚟緊嘅日子更難行，但佢令我人生多咗好多色彩。」
相關閱讀：何雁詩送病兒到加國被質疑「棄子」 留港晒豪宅悠閒生活再惹負評 網民：點捨得離開個仔
