梅啟明記者會丨怒轟肥媽收錢抹黑 反駁「騙基金」指控吹得就吹：有證據先好講
發佈時間：16:30 2026-09-07 HKT
「梅媽」覃美金的長子、梅艷芳長兄梅啟明今日（9月7日）在銅鑼灣舉行記者會，高調公佈梅媽土葬詳情，梅啟明在「未畀錢、傾談緊兼冇阿媽身份證搞死亡證」的情況下，表示將為梅媽安葬於將軍澳華人永遠墳場，不過談及箇中細節，梅啟明大話西遊稱墓地方面「未畀錢」，只跟殯儀館高層商量中，他被記者追問未有梅媽身份證如何為死者辦後事，梅啟明堅稱：「咪話喺執法部門度，講咗好多次，一切交律師處理。」
梅啟明怒斥肥媽「收咗人哋嘅錢亂講」
對於肥媽日前在YouTube節目《娛樂好好玩》中痛斥梅啟明是徹頭徹尾、一心只想索取遺產的「敗家仔」，多年來生活開支都依賴媽媽及妹妹，如今二人都已離世，仍不放過先人：「瞇埋眼仲搞你！」在記者會上，梅啟明怒斥肥媽「吹得就吹」、「亂講」，表示：「呢樣嘢難聽喎，要有證據先好講，點解呢個肥媽攻擊我，係咪畀人操縱咗，收咗人哋嘅錢？講到好似唱歌咁，有冇搞錯？」
相關閱讀：梅啟明記者會丨誓要為梅媽辦身後事揚言花150萬 斥姪仔霸每月25萬生活費 鬧爆肥媽潘小文
梅啟明保留對肥媽法律追究權利
梅啟明在記者會舉行前曾派發聲明，內文提到：「而另一位混血老歌手肥媽，對外聲稱由細睇到阿妹大呢一件事，實在笑大人個口，吹得就吹。又訛稱我在世界中西醫學抗癌基金協會詐騙。當時我不在香港，係由母親持牌創立，由妹妹捐贈一百萬給母親，贈醫施藥給癌症病人受惠。對於肥媽嘅錯誤指控，當時本人身在美國，沒有參與這公司所有文件，何來欺詐？我亦都會將肥媽今次嘅指控保留法律追究權利。」其後梅啟明亦說：「佢喺度攻擊我、誣衊、生安白造，我要追究呢個法律責任，等我做晒啲嘢先。佢都揸住仔女養，講埋呢啲，掹大口講大話，真係笑話。」
肥媽曾指控梅啟明一直打梅姐基金主意
梅啟明續說：「佢話由細睇到阿梅大，好心喇，佢想博出位，因為佢收受咗人哋嘅利益，點解佢要咁樣攻擊我？我覺得好奇怪，我同佢無冤無仇，點解要咁做？除咗收受利益，再唔係博出位呢兩個問題，唔係就叫佢收聲。」
肥媽當日在直播中直斥梅啟明一直想打基金主意：「完全唔出奇，佢係咩人呀？阿梅在生嗰陣佢都係咁啦，又話開酒廊、日日都去呃阿梅啲錢。阿梅臨終時設立基金，但都阻止唔到佢哋咁樣（打官司），其實只係益晒啲律師。」肥媽更狠批梅啟明根本不想靠自己搵錢：「佢成個人嘅人生就係諗點樣去攞人啲錢咋嘛，佢冇諗過自己去搵錢！」
相關閱讀：潘小文7字回應暗示梅媽喪事已辦妥 懶理梅啟明擺擂台挑機 開live冷嘲叫唔使操心
