林峯對古天樂遭入稟追討億元唔了解：支持老闆 談6歲女兒眼濕濕 自爆踩單車送女返學
發佈時間：14:55 2026-09-04 HKT
林峯今日（4日）出席月餅宣傳活動。由於他是古天樂旗下「天高娛樂」藝人，受訪時難免被問及古天樂及天下一遭入稟追討1.49億元一事。林峯表示不清楚詳情：「我都聽講過，但係我噚日先啱啱落機，所以我就唔係好了解咩事，我亦都好相信應該行緊司法程序，唔了解嘅人亦都唔好評論任何嘢。總之一句，我哋支持老闆。」
林峯將拍賀歲電影
另外，林峯分享即將來臨的中秋節會如何度過，他表示中秋節忙於工作，未有時間陪同家人團圓，林峯說：「嗰幾日開部新戲，開心嘅。因為keep住有嘢忙緊，跟住一路忙到過年，農曆年後，跟住有3到4部電影順住排緊。」林峯表示，接着一部是賀歲電影，之後又有5場巡迴演唱會，又透露之後的電影手部需要「練一練」，林峯賣關子說：「都係技術嘢。」
相關閱讀：古天樂「天下一」發聲明原告曾解散消失3年 違約披露將嚴肅處理並保留追究權
林峯談《九龍城寨之終章》拍攝
談到《九龍城寨之終章》的打鬥場面，林峯透露今次仍有不少打戲，且要在5個月內拍攝完成，行程相當之緊密。他笑說：「我哋四子有問過，第一定第二套辛苦啲，我就覺得第一部，我嘅打戲密集啲，由頭俾人打到落尾。今次多咗好多角色加入，每一個人打嘅場面都幾多，咁就可以⋯⋯接力啦！咁就有得回氣。」但他認為觀眾喜歡及入場觀賞最重要，不介意打到滿身傷。他續說：「你知我哋《九龍城寨》其中一個賣點係，就係打得好甘。每一個人都有傷，但係我就手同腳，叫做順利拍攝晒，我都覺得係一個壯舉嚟。嗰時都話：『5個月拍晒，得唔得㗎？』但係拍得時候又得喎，好順利。」他特別提到，多謝《九龍城寨》系列的武指谷垣健治。
相關閱讀：天下一遭入稟｜古天樂曾被指年賺4億身家早逾10億 曾助內地起百間小學 傳捐2億為父母祈福
林峯眼泛淚光談女兒
中秋節在工作中度過，林峯也提到自己每逢有時間就會趕回家陪伴家人。他說：「譬如前幾日，我啱啱得閒，噚晚先落機，就返去陪個女幾日。呢幾日開學都係我送佢返學。因為學校好近，我就揸架細嘅單車仔車佢返學。」講到女兒，他眼泛淚光，表示每次與女兒離別時，她都十分依依不捨。「佢而家6歲，會比較開始黐Daddy，我走嘅時候，佢會⋯⋯忍住，噚日送佢，佢係唔開心，但係忍住，好堅強咁行入去。」直言父女之間的互動「好sweet」。
相關閱讀：劉俊謙封口拒談古天樂欠債官司：支持老闆選擇安靜 紅館台上擺烏龍下跪認錯 蔡思韵讚老公可愛
林峯慶祝女兒6歲生日豪搞遊艇派對：
