張柏芝日Po數十個IG Story 網民：完全冇當我哋係外人零包袱公開私人生活與兒子有關

更新時間：21:00 2026-08-26 HKT
發佈時間：21:00 2026-08-26 HKT

影后張柏芝向來熱衷於社交平台分享生活，近日有網民在Threads上熱烈討論張柏芝驚人的出Po頻率，每天上載數十個IG限時動態（IG Story），高峰時期單日「Po Story量」高達40至50多個。這種毫無保留的洗版式分享，令大批網民笑言「以為自己做咗佢Close Friends（密友）」，感覺就像在觀看極度親近的朋友更新近況，甚至將她封為「IG Story女王」，在網上引發強烈迴響。

張柏芝瘋狂分享生活零女明星包袱

張柏芝的IG限時動態內容豐富且完全沒有女明星包袱，呈現出極具生活感與真實的一面。她近來就曾分享自己大清早會去白石角及科學園一帶海域玩Wakesurfing（無繩滑水），更上載影片，大方晒出全防曬遮光面罩與手上的曬傷痕跡，還會毫不避諱地公開自己有使用Beauty Cam自拍的習慣。從出海滑水、在家中點算多隻愛犬、展示龐大的Lego積木收藏，到家中有小青蛙闖入時的趣味紀錄，張柏芝將零距離的女明星日常生活攤在陽光下，讓網民笑指：「柏芝完全冇當我哋係外人」、「我都好中意睇佢，好true好real冇明星架子，之前睇佢好鍚個仔煮宵夜比個仔」、「我做咗芝心好友」、「佢嗰種日常真係好似睇住個師奶分享咁」、「佢啲story好生活化」、「感覺我非常了解佢」、「我同佢熟到知佢早幾日煮麵落晒差唔一支辣椒油」、「有冇得申請健力士世界紀錄，佢應該係Po最多story嘅女星」、「柏芝分享欲好旺盛」。

甚至有網民分享張柏芝IG限時動態的趣怪內容：「最記得係幾年前出咗個po定唔知story 話自己買咗個好好用嘅煲，佢全程都講個brand係雙飛人，但其實係孖人牌。」引來更多網民好奇，表示要立即follow張柏芝IG。

張柏芝狂Po IG story與兒子有關

除了個人興趣與無厘頭的生活趣事外，張柏芝在動態中展現出無微不至的好媽媽形象更深深打動網民。不少粉絲注意到，只要兒子喊餓想吃煲仔飯，她便會玩完滑水後立刻前往買餸親自下廚，曾分享炒美極蛋飯與買鳳爪排骨飯的生活日常，網民表示：「睇佢Story好似日日跟佢去買餸咁」。這種不假手於人、凡事親力親為照顧家庭的日常，讓大家看見她除了是舞台上閃耀的巨星，更是一位對兒子充滿愛與溫暖的稱職母親。有網民好奇表示：「柏芝係咪好寂寞」，有粉絲代為回應，指張柏芝曾透露不斷更新IG限時動態，目的其實是想與三名兒子拉近距離，加上長子Lucas現時在海外留學，她希望兒子知道她的生活細節，同時不會擔心她。