中年好聲音4決賽｜尹景順取高分引評審罵戰 周國豐：巫啟賢你做咩事？ 許美琪失準變喊包琪
發佈時間：21:06 2026-08-23 HKT
TVB王牌音樂節目《中年好聲音4》總決賽《中年好聲音4登峯之戰》今晚（23日）假啟德體藝館隆重舉行，七強先後出場唱出「決勝慢歌」，其中以最高分殺入決賽的尹景順，唱出王菲的《百年孤寂》，憑出色穩定的發揮，完全唱出歌曲感覺，最終得到94分成為首回合最高分的選手，其中周國豐竟直接問責嘉賓評審巫啟賢，責問「點解畀咁高分」，巫啟賢即時站起來並反問「你有意見咩？唱得唔好咩？」。
鄭家聲打頭陣
於首回合的「決勝慢歌」中，首先由鄭家聲打頭陣唱出《海闊天空》，得到90分，其中一位嘉賓評審李克勤，就表示首先出場難免壓力巨大。之後到蔡宓婕唱《美麗之最》，李克勤就指喜愛她的演出，其他評審亦認同她的高音表現出色，取得91分。
相關閱讀：中年好聲音4決賽丨曾志偉未探受傷衛詩雅：未有機會 談拍《狩謊》受傷內幕 對手極內疚
尹景順揮灑自如成得分王
之後就輪到來自馬來西亞的尹景順出場，他唱出王菲的《百年孤寂》，尹景順憑其獨特的中性聲音作出完美演繹，可謂揮灑自如，雖然被指曾經走音，最後取得94分，成為首回合的得分王，其中巫啟賢畀出98分令全場起哄。
巫啟賢周國豐爆罵戰？
全場掌聲雷動過後，車婉婉邀周國豐畀評語，周國豐立即表示「巫啟賢做咩事呀98分？你又話對馬來西亞選手會嚴格啲？」，巫啟賢此時立即站起來向周國豐說：「「你有意見咩？唱得唔好咩？」，嚇得周國豐笑着作「嚇窒狀」。巫啟賢更補充：「我本身想畀100分，依家減咗2分喇」，更盛讚尹景順完美演繹，讓他「百分百驚艷」：「唱王菲嘅歌，要做到心中有情，目中無人，你做到了，恭喜你」，令尹景順受寵若驚。
吳亦偉繼續唱廣東歌攞高分
之後到爭議王吳亦偉登場，他繼續唱廣東歌《酷愛》，其廣東話明顯比早前有進步，於海兒大讚之下取得92分。繼而許雲妮唱出《我等到花兒也謝了》，就算李克勤指於歌曲中段犯錯，但仍然取得93分。尤淑情唱《我期待》，出場時因為Ear Phone未能戴好要處理，故此影響發揮，最後取得91分，巫啟賢亦指十分可惜。許美琪唱出《（你沒有）好結果》就取得90分，表現有點失準，「喊包琪」亦即時忍不住於台上流淚。
相關閱讀：中年好聲音4決賽｜李金凱行紅地氈因衛生問題拒絕簽名？被劉洋遞筆到嘴邊 即大動作避開
