彭健新終走出OK仔離世陰霾 宣布新愛犬O Cute仔登場 網民爆笑留言：恭喜又有新主人
發佈時間：14:00 2026-08-15 HKT
「溫拿樂隊」成員彭健新與太太Mona結婚逾40年，雖然膝下猶虛，但夫婦二人一直不愁寂寞，早年彭健新在寵物店一眼睇中外貌如「戴眼罩小神偷」的松鼠狗OK仔，從此一人一狗形影不離。無論是出席公開活動、溫拿演唱會，還是錄製《美女廚房》等節目，彭健新總會帶着OK仔亮相。因為超高出鏡率與靈性表現，OK仔成為家喻戶曉的「電視明星狗」，更曾父子檔接拍廣告，曾有網民形容「是OK仔帶健仔上節目」。
彭健新宣布再養狗
不過OK仔在2015年5月29日因病離世，當時湊巧彭健新外出，未能見到OK仔最後一面，成為他心中永遠的痛。彭健新多年來未有再養狗，他曾表示希望找到一隻又靚又懂性如OK仔般的狗狗，但相信很難再遇上，要隨緣。想不到事隔11年，終於傳來好消息，彭健新宣布：「繼OK仔之後，又有一隻寶貝來到我家，他的名字是cute cute仔，又名O Cute仔，我又有排忙了！」
相關閱讀：77歲彭健新結婚近半世紀太太罕露面 膝下無子女突晒「一家四口」合照惹揣測
彭健新當年視OK仔如親生骨肉
彭健新當年視OK仔如親生骨肉，外界亦親切地稱呼他為「OK仔老竇」，兩人在演藝圈寫下了一段長達15年的深厚父子緣分。今次彭健新的寶貝o cute仔是一隻貴婦狗，好友們與網民都戥彭健新開心，有人搞笑地說：「彭健新終於有新主人，彭健新+O cute仔！」、「恭喜終於有人領養彭健新！」、「隔咗咁多年，彭健新終於再養狗，都係慣性放隻狗喺自己左邊。」、「有ok仔就有彭健新。」、「仲以為會叫7仔。」彭健新一直對OK仔讚不絕口，他曾說：「OK仔好有人性又聰明，up和down、roll甚至唱歌都得，最耐都係教佢roll，要三日，『請請』天生就識。嗰陣幫佢改名時，見到佢乜都OK，就叫OK仔啦！」由於OK仔實在太出名，連溫拿成員私底下都直接叫彭健新做「OK仔老竇」。
彭健新拒絕帶OK仔去「安樂死」
在彭健新66歲生日時，譚詠麟精心準備了一個點着火槍的「中式火焰大包」。譚詠麟事後貼出合照搞笑留言：「OK仔老竇正日生日火氣十足，整個火焰飽配合一下！」可見OK仔的名字早已完全融入了彭健新的日常身份中。不過OK仔後腳天生有關節移位問題，醫生曾指老了會有問題，所以OK仔離世前一年已經動不到，但當口渴、肚餓和想去廁所時，仍然會吠一聲通知主人，雖然OK仔後期情況變得嚴重，但彭健新拒絕帶OK仔去「安樂死」：「佢大小便都冇問題，飲得食得，點解要畀佢走？我一定養到佢自然走，我覺得呢個係責任。」可惜在OK仔彌留時，彭健新未能趕及回家，最終未能陪在OK仔走畢全程，彭健新曾感到有點遺憾，他更坦言：「可以對佢更好，我自覺唔夠好，主人好珍惜寵物，我心對佢好好，但應該對佢更加好，我希望佢輪迴做人，做一個幸福嘅人。」
相關閱讀：70年代樂隊成員生日派對星光閃閃 凍齡力驚人未見有太多歲月痕跡 晒「一家四口」勁溫馨
