何伯驚傳因肝癌離世 曾高調爭450萬卻悲劇收場 判監2個月成最後身影
發佈時間：13:06 2026-07-28 HKT
何伯與何太曾因接受《東張西望》追討何伯細女在銀行領走450萬元積蓄而成為網絡紅人，因接受《東張西望》訪問而成城中熱話的「何伯何太」，兩人此前疑在屯門住所的升降機大堂打鬥，同告受傷送院及被控蓄意傷人罪，法官更判處何伯入獄2個月。不過今日（28日）突傳消息，指何伯因患上肝癌離世。
相關閱讀：何伯談離婚淚訴何太「冇感情」 向子女道歉：我醒返啦 疑驚爆有第三者 憑器官認定老婆冇生過仔？
前何太葉秀定面不改容狂數前夫
前何太葉秀定曾以「嬌妻」形象分享與何伯的夫妻日常生活，曾承諾會自己養家，何伯不用憂心生活，更曾表示不會讓何伯餓肚子，雖然又曾稱不介意何伯如今財產近乎零，但仍對何伯聯名戶口內的450萬元被何伯細女取走一事心心不忿，多次強調錢是老公一生的血汗錢，指何伯揚言「拚了老命都要攞返來」。「老貓燒鬚」的前何太葉秀定其後曾對網民表示：「我同我老公即將要離婚喇！」何太續指：「呢個台（直播帳號）都係佢（何伯）收錢，我只係有義務，有責任……咁樣去幫助佢啫，以後一蚊都係入落我老公戶口，我又係……當係白做嘅！」何太葉秀定亦曾面不改容的狂數前夫：「佢咁大年紀，我我真係、我貪佢咩呀？貪咩老咩？以前呀，香港好多人都搵大錢㗎，香港地以前好好易搵錢㗎，九幾年嗰時呀，所以你話佢早20幾年退休？點會咁樣浪費時間、浪費青春呀？三、五百萬都未夠自己養老？分分鐘自己身體有癌症，醫幾千萬容乜易呀！」她又堅稱1自己窮得正直：「我係一心諗住同佢，佢有可以幫助到我創業，我先至接受佢㗎咋，講真㗎。真係咁㗎。我所以從來我唔會呃人囉。你幫得到我你就嚟，你幫唔到我你就走開啦。」她更否認因450萬而被迷惑：「我見到佢四百五十萬，我係撇開一邊㗎喎，佢話攞一半嚟，佢話搬嘢過我度㗎嘛，佢講到係佢一半身家喎，我睇到佢.嗰張四百五十萬定期紙，我真係唔鍾意呀，我見你得咁啲啲錢，有冇搞錯？我心目中我諗住你過百億㗎，係嘛？佢講到自己借咗幾百畀個兄弟，又話自己做過黑社會大佬，乜乜乜，好多嘢㗎。」
相關閱讀：何伯五子女疑現身 直播公然開名爆粗辱罵兩女 怒斥野種「唔死都唔得」
