鄭秀文演唱會因舞台故障延期主辦方被讚做法負責任監製身份惹爭議：係邊個你好清楚

更新時間：18:00 2026-07-07 HKT
發佈時間：18:00 2026-07-07 HKT

樂壇天后鄭秀文一連三場（7月10日至12日）的《You & Mi 鄭秀文演唱會2026亞洲巡迴終點站》原定於本周五於香港啟德主場館舉行，不過昨日（6日）主辦方突發宣佈因舞台部件故障存在安全隱憂而需要延期。鄭秀文其後坦言對演唱會延期感到震驚及失望，但為免海外及本地歌迷承擔損失，與團隊商量後，決定於原定日子改辦免費「答謝會」，親自以歌會友向觀眾致歉。

有網民發現鄭秀文演唱會監製是fran9

鄭秀文演唱會延期的消息震驚歌迷，事件在網上引來不少迴響，有人讚主辦方寰亞做法很好：「睇到寰亞因為安全問題，寧願通知Sammi延期再開，完全係一間肯負責任嘅主辦，真係要畀個讚！祝Sammi 之後演出順利~第一時間又諗起我粒仔間公司，真係記一世。」原來有網民發現，鄭秀文擔任演唱會監製是fran9（林浩源），他曾在2022年7月為MIRROR的紅館演唱會《MIRROR WE ARE LIVE CONCERT 2022》擔任總監製，負責統籌、設計演出流程及舞台視覺構思。

fran9是鄭秀文《You & Mi 》監製

有網民發現，鄭秀文《You & Mi 世界巡迴演唱會》的監製，正是MIRROR的紅館演唱會的監製fran9，事件在網上引起不少聲音，有人說：「留意下鄭秀文演唱會監製係邊個，佢負責過邊個演唱會你好清楚。」、「寰亞真係處理得好好！」、「Sammi與團體絕對係有擔當嘅一team人。」、「冇錯，意外嘅嘢一單都嫌多。」、「其實冇佢哋呢單嘢，依家啲演唱會個安全都唔會咁嚴啦～」不過亦有人說：「佢夠膽用上次MIRROR出事嗰個導演，仲要加埋藝能做工程，點會唔再出現安全隱憂？唔明佢哋嘅做法。」、「次次呢個導演做，舞台都出事， MIRROR係咁，而家到Sammi又係咁。」、「沒辦法，這次演唱會的製作團隊， MIRROR出事那次是一模一樣，本身都存在問題，政府亦都會望到實。」鄭秀文與監製fran9多年來合作無間，她們曾在2014年《Touch Mi》演唱會合作，有網民稱在尾場演出上，鄭秀文在台下升上來的時候，半開玩笑地「指責」fran9並說：「搞咩呀監製，我喺下面企咗5分鐘啦，死都唔肯起歌。」

鄭秀文積極為周五「答謝會」進行綵排

鄭秀文曾表示自己比大眾早一天（前日中午）才收到公司的延期通知：「當時為演唱會做緊準備，如火如荼，整個團隊同我都好ready開騷。突然收到呢個通知，我有啲震驚，當然亦有失望。」在冷靜消化消息後，鄭秀文理解並尊重主辦公司將「安全」放在首位的艱難決定：「既然個場地仍然喺度，最大嘅硬件：Sammi仲喺度，我仲有Dancers、音樂、我嘅歌、我仲有觀眾嘅時候，我可以諗啲方法令觀眾嘅傷害唔好咁大呢？」因此，鄭秀文在極短時間內與公司商討，決定在原定演唱會的這三天改辦為期一個半小時的「答謝會」，以歌會友，將觀眾在時間、情感與金錢上的傷害減至最低，鄭秀文還說：「我真係好抱歉、好抱歉，對於買咗任何一場飛嘅觀眾，為你哋做成不便。情感上嗰種痛、嗰種傷害，金錢、時間、心路歷程、為咗撲飛花咗嘅心血，我真係好抱歉。」鄭秀文正積極為本周五開鑼的「答謝會」進行密集綵排，期望以最佳狀態與歌迷見面。