35歲「變裝皇后」宣布離巢TVB 患先天性心漏病 戶口曾剩3位數要問媽媽借錢過活
發佈時間：14:00 2025-11-14 HKT
35歲的林至昭（前名林子超）今日（14日）凌晨在社交網出PO，透露離開工作7年的TVB，向外發展繼續追尋演員夢。林至昭在IG一如其他離巢藝人，站在TVBuddy前打卡，林至昭留言：「今日我畢業啦！！！」
林至昭感謝兩位金牌監製
林至昭表示：「我個年代真係睇TVB大，所以可以加入TVB絕對係其中一個夢想成真！多謝TVB令到觀眾們認識我係一名演員，俾咗一個冠軍我，一次台慶大獎！當然仲有無數次嘅演出機會！！！」林至昭特別感謝兩位金牌監製：「特別要感謝我嘅恩師小青姐同家豪哥！俾咗我第一個機會追尋演員夢想！」
相關閱讀：35歲林至昭晒泳裝「雄風」過盛激凸變18禁 神秘三角驚現「愛的紋身」竟與患心漏病有關
林至昭續道：「有個前輩同我講過一句說話，『我哋都係多麼嘅幸運，先會被選中成為一名表演者，將娛樂帶比每一位。』所以我仲未諗住放棄，仍然會努力去追尋我嘅演員夢想，相信好快可以喺銀幕上再同大家見面！！！唔知道大家仲記唔記得我演繹過嘅角色同表演呢？留言話我知，就係最大嘅鼓勵！！！」
林至昭14歲開始學跳舞
林至昭患有先天性心漏病，因中小學時未能參與體育課，故從14歲時學跳舞，19歲時進行開胸手術治療。林至昭2007年完成中五課程後，報讀香港演藝學院現代舞文憑課程，三年後到新加玻修讀舞台音樂劇專業課程，但未有完成學業返港。
林至昭2021年返港參加nowTV《CEO 選拔賽》，正式入行成為主持，直到2015年離開nowTV，並報名TVB《2016香港先生選舉》，但未有入圍，卻獲監製賞識在《Think Big天地》教舞。林至昭2017年在金牌監製梅小青及方俊華邀請下，以自由身接拍劇集《宮心計2深宮計》，飾演「陳茗風」一角，出色演技受到關注。
林至昭兩年前花600萬買樓
林至昭翌年加入TVB，曾演出《大醬園》、《法證先鋒IV》、《逆天奇案》系列，2022年參加《全城一叮》，以「變裝皇后」登場技驚四座，一夜成名。林至昭過往曾試過戶口只剩三位數，要問母親借錢度日，五年前與楊柳青合資40萬開辦健身藝術學校外，2023年又以600萬元購入港島東一個兩房單位，成功上車。
相關閱讀：35歲林至昭買600萬港島樓 苦捱多年戶口曾剩3位數 言行大膽公開講一夜情
