海俊傑最新交代太太急性肝衰竭入ICU情況不樂觀 眾籌救妻感謝古天樂曾志偉幫忙
發佈時間：10:41 2025-11-11 HKT
1994年新秀冠軍海俊傑日前在直播時爆喊，透露其任職化妝師的老婆莫家慈（Effie）患上急性肝衰竭，急需籌70萬元做換肝手術。海俊傑夫婦身在內地醫院，其外母亦到醫院守候女兒，海俊傑與家人透過視像通話，跟在加護病房的太太傾偈。海俊傑今日（11日）凌晨再更新IG，交代太太目前情況，以及感謝多位圈中人的幫忙。
海俊傑夫妻情深
海俊傑今日凌晨在IG撰長文，並公開一張太太Effie未有露面，但二人緊握對方手的照片，可見夫妻情深。海俊傑表示：「各位，我係藝人 海俊傑，首先好感謝大家對我同家人嘅關心，我太太因為身體狀況，早前被緊急送入瑪麗醫院，被確診為急性肝衰竭，經過同醫生嘅了解，佢個情況並唔樂觀 … 而我們一家一直住在內地，同屋企人商量後決定轉到廣州中山大學醫院附屬第一院醫治。」
相關閱讀：海俊傑醫院寸步不離守候愛妻 利用視像跟太太通話1小時 外母：女兒等待肝源分秒必爭
海俊傑指醫院針對太太的情況治療，但因為入院幾日出現變化，要轉入ICU：「廣州院方亦以專業嘅方法處理及各方檢查治療，由於太太嘅情況比較嚴重，就响佢留院入住後大概五天左右，病況出現好多未能預料嘅變化，需要轉到ICU作出緊急治療。」
海俊傑心情好徬徨
海俊傑指醫院的收費透明度高，亦可能有機會配對成功，但因為儲備耗損難以承擔增生的醫療費用：「由於可能有機會配對，我亦都需要了解手術建議及醫療費用。醫院嘅收費透明度高，醫生認為太太的病情嚴重，醫院方面估算手術費50萬，但除手術費外其實亦都會繼續衍生不同嘅醫療項目費用，經初部計算前後至少要過百萬。由於我哋一家原有儲備已在耗損情況下，難以承擔持續增生嘅醫療費用，所以響心情好徬徨不安嘅情況下，好抱歉拍咗條片令到大家擔心。」
海俊傑感謝古天樂、曾志偉等圈中人幫忙：「片段出街之後有好大嘅迴響，收到好多人嘅支持同關心。特別感激公司天盟娛樂培哥，演藝人協會，會長古天樂先生，曾志偉先生，以及好多圈內外好友的幫忙，感激不盡。」海俊傑續表示：「太太嘅狀況每日需要同醫護團隊緊密去協調同部署，所以呢段時間確實需要同屋企人守候及陪伴太太，恕我未能逐一回覆大家，希望見諒。」
海俊傑為太太禱告
海俊傑最後希望大家可以為其妻禱告：「以上係到目前為止嘅大概狀況，相信可以釐清一啲誤解。响度再次感謝各位對呢件事嘅關注，多謝幫助過我哋嘅人，希望大家可以繼續為我太太禱告，所有人都要身體健康。」
相關閱讀：海俊傑淚崩拍片眾籌70萬救妻 7字回應太太最新狀況自揭慌亂無助 感激「大家嘅每分每毫」
