林家謙演唱會丨張栢芝「柳飄飄」造型洗版式討論作熱話 因一事嚇窒網民 林家謙自爆單戀女神：我醒未？
發佈時間：21:00 2025-08-31 HKT
林家謙第二次個人紅館演唱會《White Summer》，今次林家謙演唱會的嘉賓可謂驚喜連場，繼鄭秀文、梁詠琪、鄧麗欣、莫文蔚，楊千嬅與及陳慧琳後，在昨晚（30日）舉行的第九場，找來久違了張栢芝做嘉賓，張栢芝一出場引起全場觀眾尖叫歡呼，演出片段更在網上瘋傳兼以洗版式討論。
張栢芝造型似足《喜劇之王》柳飄飄
以一身孖辮薄紗裙少女Look登場的張栢芝，造型似足成名作《喜劇之王》柳飄飄的造型，尤其演出過後，預備離開紅館之際，發現有不少fan守候，張栢芝急步走向他們，揮手及握手，引來一陣尖叫，有人說：「係點樣做到呢個年齡仲可以Carry到呢個髮型？」、「又化返柳飄飄個妝。」、「最恐怖係個樣都仲係可以同當年差唔遠。」
相關閱讀：林家謙演唱會2025丨張栢芝驚喜現身紅館做嘉賓 合唱代表作《任何天氣》引全場尖叫
張栢芝是林家謙兒時偶像兼單戀對象
原來張栢芝是林家謙兒時偶像兼單戀對象，8歲時第一份零用錢買的張栢芝專輯《Destination》CD，當舞台升起，大盒裡面的主角是張栢芝後，整個館都歡呼聲四起，震裂紅館，兩人先是合唱《任何天氣》，繼而林家謙緊張笑道，「好癲呢件事，我醒未？（自己打自己一下）好開心，真係唔知點講，從何說起，你好耐冇出嚟見大家，包括我都非常興奮。」張栢芝笑說：「我好耐冇唱《任何天氣》，我18歲喺紅館嗰陣都唱過，我好緊張。」林家謙叫工作人員拿出張栢芝的CD，「你係我第一個買唱片嘅歌手，嗰隻碟叫《Destination》，之後《不一樣的我》……嘛，你可唔可以同我簽個名呀？」現場即起哄林家謙再次自肥集郵，他續道：「《不一樣的我》係我當年成日拎嚟做參賽歌曲㗎，嗰陣我仲未轉聲，唱你個KEY，霎眼間，我就已經轉咗聲，好神奇呀呢件事。」
張栢芝指林家謙有一個好乖好純的光環
張栢芝就指林家謙成個人似乎有一個好乖好純嘅光環咁，好有才華。當接到電話被邀請做嘉賓時，就諗自己雖然出咗很多唱片，但好多人識嘅歌唔多，「我紅得一首歌。」林家謙：「唔係囉，《一直掛念》，跟住《不一樣的我》，《棉胎》 ，大家都識你好多歌……你講嘅嘢唔成立呀....」張栢芝再說：「有一首歌，係我新人時，好堅持要唱，唔係我自己嘅。公司打嚟話有機會喺紅館表演，我就想唱呢首歌，我希望每一分每一都珍惜身邊所有的東西，很多東西都不必然，我們應該要很活在當下和開心，珍惜所有自己愛的人，我選擇呢首歌，亦係很感恩地可以在紅館和大家一起唱，我都好開心嘅。呢首歌叫做《留給最愛的說話》可能很多後生仔唔係好識得，不過可能跟我差不多年紀既可能會識囉 。」
相關閱讀：陳慧琳任第8場表演嘉賓 林家謙：你係我第一個睇嘅紅館個唱歌手 2人合唱《最愛演唱會》
相關閱讀：陳慧琳任第8場表演嘉賓 林家謙：你係我第一個睇嘅紅館個唱歌手 2人合唱《最愛演唱會》
張栢芝演出過後久久未能平服
接着合唱《留給最愛的說話》，到讀白部份，林家謙突然改對白：「終於我鼓起咗最大嘅勇氣請你做嘉賓，因為我想面對住你講出我心裡面想講咗好耐嘅說話。可惜嗰個落雨嘅晚上，嗰條濕滑嘅公路，嗰個粗心大意嘅司機，令我差啲趕唔到嚟紅館，講一聲：多謝你。」觀眾聽到之後，不斷湧出笑聲，令張栢芝更加緊張，直指自己聲都震晒。演出過後，張栢芝的心情久久未能平服，她在IG限時動態連環出PO，對於今次演出，張栢芝興奮地說：「多謝晒呀，我已經好緊張，喺個台上把聲震晒，不過真好開心，多謝你畀機會我喺紅館演唱。」張栢芝還貼上與林家謙綵緋的相片和禮物。
