「過氣藝人」前女友富貴出嫁成功誕女 BB出世後因一病症入ICU：未望清楚已經分開

更新時間：16:21 2025-08-06 HKT
發佈時間：16:21 2025-08-06 HKT

自稱「過氣藝人」李日朗（Don）前度、現年30歲的HOY TV主持黃靜藍，2023年底飛甩李日朗後，僅3個月就於IG分享與新男友的合照公布有新戀情。到24年12月更宣布喜訊，已獲男友求婚。今年初黃靜藍公布成功懷孕，原來早前她已成功誕下BB女。今日她更新IG，指未有第一時間公布生女喜訊，是因為女兒出世後幾小時因為一病症後要入ICU，一直以「戰戰兢兢嘅心去照顧佢」，所幸的是現在一切已經穩定。

黃靜藍女兒極可愛

黃靜藍於IG公開女兒的可愛照片，其女兒Sienna樣子非常精靈，而且頭髮濃密，一對父母抱着她都喜上眉梢，另外黃靜藍亦公開自己在醫院中，頂住赤裸大肚子和老公的合照。

相關閱讀：李日朗前度撻着富貴男友一年宣布懷孕！同台索女主持：好多機心女

黃靜藍晉升人母：

黃靜藍女兒染肺炎入ICU

黃靜藍撰長文訴說心情：「終於有時間整理返啲相，話說Baby Sienna出世嘅時候，因為肺炎(唔知咩原因，因為我本人完全冇事)，出世幾個鐘之後就轉咗去ICU，我連佢個樣都冇望清楚就同佢分開咗，如是者我就喺醫院休息咗5日，亦都唔想同外界交代BB一切，因為內心充滿好多未知同埋忐忑，好彩七日之後BB就可以出院，但係之後都係懷着戰戰兢兢嘅心去照顧佢。就係咁日復一日，我發現湊小朋友原來都真係好忙，連po相嘅時間都冇，有時間我都去咗瞓覺，就係咁拖到依家」。

黃靜藍多謝老公同醫護

現在初生女兒回復健康，黃靜藍就多謝醫護人員同老公：雖然開頭真係超級擔心，但係當中都有啲小確幸，其實整個生育過程都好愉快，感謝所有護士、工作人員，佢哋超級細心同埋有善。最後超級感謝我嘅神隊友 @wilsonlau1005 ，要照顧我同埋BB ，兩間醫院走嚟走去，仲要餵奶同掃風添，真心想頒個獎俾佢。#感恩小公主選擇了我們家#繼續肥肥白白地成長吧」。