女神配對計劃丨姜卓文關嘉敏最終擦身而過？大合照洩玄機去留成焦點 曾被無視頹爆放棄
發佈時間：19:00 2025-08-04 HKT
TVB戀愛綜藝真人騷《女神配對計劃》由播映至今，在網上成功製造了不少熱話，「國民 CP」葉蒨文（Sophie）與曾展望（GM）已經成為大眼家眼中的「金童玉女」，羅毓儀（Yuki）與林俊其（Kris）、梁敏巧（Maggie）與劉啟進（Matt）與及關嘉敏（Carman）與黃家俊（Matthew）甜蜜指數持續飆升，一舉動成為焦點。
關嘉敏Matthew同床甜蜜指數飆升
在昨晚（3日）播出的一集，關嘉敏在分床環節上，看到房間只有一張床有些驚訝，但有感Matthew玩了一整天遊戲需要好好休息，於是提出同床意願兼為Matthew敷面膜：「佢（黃家俊）由朝到晚玩咗咁多game，咁一定散晒啦，咁我冇理由攞個睡袋叫佢瞓地吓㗎。」本來關嘉敏自爆一早睇中姜卓文（細John），但不過的表現麻麻，有網民發現姜卓文將會被淘汰。
相關閱讀：女神配對計劃丨林俊其向羅毓儀求愛 同床畫面曝光攻撼女神 葉蒨文積極叫曾展望除衫
姜卓文關嘉敏最終擦身而過
「星二代」姜卓文（細John）本來在海選期間遙遙領先，關嘉敏直言對姜卓文有好感，不過到了正式約會，姜卓文開始失利，而且更被關嘉敏的愛犬Two Two「完全無視」，最後姜卓文索性頹爆示意放棄。直到女神與「求愛勇者」入火熱求愛營後，關嘉敏每一條問題都等待姜卓文入房，甚至不揀Matthew希望可將鎖匙留給姜卓文，可惜5條問題最終二人都擦身而過，姜卓文和關嘉敏不約而同地都感到驚訝，姜卓文說：「我好絕望，真係咁冇可能咩我哋？本身我已經係矛盾緊，而家好似個天畀埋個答案我咁，『唔係你哋㗎喇，放棄啦。』」
姜卓文大合照未見踪影疑被淘汰
在第8集姜卓文因未能成功與女神同房而跌入危險區，隨時有機會被淘汰，近日有網民在Threads留言指，昨日主持林盛斌（Bob）在IG貼上一張通告並說：「《女神配對計劃》，終極拍攝，大結局。今日見到好多笑容，亦都見到好多眼淚。聽日，最後一日。」相中看到「求愛勇者」只有9人，而監製日前貼上另一張大合照，未見姜卓文的踪影，於是惹來被淘汰疑雲：「其實我見細john五條價值觀問題嘅答案都遇唔到Carmen，就覺得有可能Carmen未必適合佢，但當初佢參加時其實無鎖定邊個女仔，如果可以退一步海闊天空，考慮下其他女仔反而會更好。」、「Yuki 組foul剩kris咪得，可唔可以換返細john。」
相關閱讀：姜大衞兒子姜卓文與男歌手床上互相觸摸 上《女神配對計劃》力追關嘉敏 曾慘遭性欺凌
五位女神將被考驗演技與忍笑功力
在昨晚播出的第九集，林盛斌拉著閨密花生團並宣布：「你哋要將所有女神同男仔重新分配好！」而閨密的回覆是：「我哋Prefer大執」、「今晚邊個同房係唔會再Stay喺佢個group架喇。」與此同時，五位女神將接到考驗演技與忍笑功力的「神秘任務」，五人分別要扮「唔見咗爸爸送嘅頸鏈」、「收到演出要取消嘅消息」、「扮M痛」、「扮唔見電話」、「扮收到愛犬出事消息」，以考驗同組男士即場反應。
