夏雨36歲大仔黃奕晨傳戀ViuTV小花拍拖被捕獲女團舊愛曾暗示分手與第三者有關

更新時間：15:00 2025-08-03 HKT
發佈時間：15:00 2025-08-03 HKT

79歲視帝夏雨從影逾60年，近年已經淡出幕前，過半退休生活。夏雨36歲大仔黃奕晨（Dixon）遺傳父親演藝細胞，繼承衣缽入行已經10年。外表有型靚仔的黃奕晨桃花旺盛，與ViuTV小花王頌茵（Kathy仔）傳緋聞多年，最近又被拍到結伴同遊現身「香港貓迷博覽會」。

王頌茵怕被人認出

黃奕晨與王頌茵於2021年傳出戀情，二人被發現拍拖行花墟，但黃奕晨當時解釋，只是去搵譚凱倫，又稱與王頌茵、譚凱倫是好朋友，不時結伴行街。相隔近4年，黃奕晨近日被影到與王頌茵行博覽會，當日王頌茵頭戴cap帽、眼鏡，穿上小背心，再加上口罩，似乎怕被人認出。

相關閱讀：78歲視帝驚喜復出息影多年半退休變憔悴開工回春頭髮立即變黑又濃密

黃奕晨負責拎戰利品

黃奕晨身穿休閑服飾表現大方，王頌茵周圍眼望望時，黃奕晨盡顯紳士風度，二人在場內主攻貓糧攤位，對標榜無激素產品最感興趣。黃奕晨負責拎「戰利品」，見到捧住一大桶貓糧，似乎滿載而歸。

黃奕晨曾戀吳嘉熙

黃奕晨是夏雨與前TVB藝人馬慧玲的大仔，一家五口早年移居加拿大溫哥華生活，直到2015年黃奕晨回流加入娛樂圈，與父母同住西貢。黃奕晨曾於2017年公開與女子組合Super Girls 成員吳嘉熙（Cheronna）拍拖，卻在2021年分手。

吳嘉熙爆分手有內情

吳嘉熙曾在訪問中爆料：「對佢信任完全瓦解，唔知呢個第三者係咪的確存在，可能行動上令我誤會嗰個係第三者，我冇搵真相，但我有啲證據，每次電話響，就會諗係咪有人搵佢，每次瞓覺，我唔知佢偷偷哋做啲乜嘢，乜都黐到實，令佢辛苦，搞到佢提出分手。」黃奕晨於2019年傳出暗交同公司藝人譚凱倫（Helen），不過遭女方否認。

相關閱讀：夏雨一家三口食團年飯！白髮蒼蒼仍精神抖擻開餐被大仔踢爆仲有個女？

↓立即下載星島頭條App↓