真相猜‧情‧尋丨揭錫安教神秘面紗 教主梁日華被捕證供曝光 教徒：只可講飲雙氧水好處
發佈時間：23:34 2025-07-28 HKT
錫安教會／真相猜．情．尋／方東昇丨TVB新聞資訊節目《真相猜．情．尋》由方東昇團隊探世紀案件。今晚（28日）播出的第五集，探討「錫安教會雙氧水治病？」事件當年轟動全城。
錫安教會鼓吹信徒飲雙氧水
錫安教會爆出雙氧水風波發生在1996年，牧師梁日華鼓吹逾千名信徒，飲用35%濃度的雙氧水治病，其後有大量信徒飲用雙氧水後出現不良副作用。後來警方介入，拘捕錫安教多人包括牧師梁日華。節目中，訪問多位曾加入錫安教會的信徒，經過近30年後對飲雙氧水的睇法。
相關閱讀：真相猜‧情‧尋丨「錫安教會雙氧水風波」 拗足30年 袁大明不忿受醫學界抨擊 信徒直斥味道令人反感
節目中，首位訪問的錫安教會前教徒林先生，當年曾接受訪問的他，表示只是飲了幾滴雙氧水，改善速度好快，身體狀況便有改善。林先生經過多年後，坦言已經忘記曾講過好有效：「我相信我當時冇講大話。」林先生記得當年每日飲一滴，連續服用14天：「好難講，一滴都難飲。嗰種味令你好反感。」林先生曾查過文獻，因此相信牧師的講法。
前錫安教徒林先生保留用雙氧水漱口
不過林先生已經離開教會，仍保留一些習慣，林先生在節目中示範飲用方法，打開瓶蓋倒出一點雙氧水，然後飲用，林先生指：「我有時牙齒有啲唔舒服，有啲發炎，我就含住佢（雙氧水）起泡，脹到成個口都係泡，咁就吐咗佢出嚟漱口。」
錫安教徒Samuel蘋果汁溝雙氧
另一錫安教會前教徒Samuel當年搵蘋果汁送服，他表示：「搵支筒一滴、兩滴、三滴、四滴、五滴，跟住搵嘢搞。我本身鍾意飲蘋果汁，但混完雙氧水飲到五滴，飲咗一兩個月，我真係頂唔順喇！」Samuel坦言今時今日見到蘋果汁不會再飲：「你要等佢啲氣吐返出嚟，個人先會舒服，唔係個胃會頂住。」
前錫安教徒Samuel被禁講真話
Samuel當年飲完雙氧水後出疹，停些飲雙氧水便沒事，但不能在教會中向人提及。Samuel稱當年曾被問有沒有飲雙氧水，表示考慮中，就被質疑對牧師的忠人程度：「佢唔會操控你。」卻會被問飲完雙氧水後有甚麼好處，Samuel復述當年的對話：「好似出咗啲疹喎！『唔好講呢啲啦！我問你有乜好處。』好處未見到，飲到三滴啲疹多咗，『都話叫你講好處』。」
前錫安教徒楊子聰做「公關」宣傳
錫安教會前教徒楊子聰，覺得雙氧水治病匪夷所思：「我完全感覺唔到喺身體裡面有任何改善，只有令我不適。」楊子聰指當年梁日華解釋，雙氧水是天上降落人間的「甘露」，雙氧水的功效接近萬能。楊子聰說：「佢嘅理論好似好科學，耶穌係天上降落到地上嘅救贖，所以雙氧水都係個原理，由雨水從天經過氧氣層，將氧變成雙氧水元素嚟到地上，經過河流滋養嚟到世上。似懂非懂下，又好像俾佢講得通嘅一種概念。」楊子聰更被梁日華點名做教會「公關」宣傳雙氧水，製作刊物派給不同媒介，解釋雙氧水是可行可信。
牧師梁日華自稱同太太有服用
警方於1996年拘捕錫安教會多人，懷疑違反《藥劑及毒藥條例》及《不良醫藥廣告條例》，起出三十公斤懷疑雙氧水。《真相猜．情．尋》曝光牧師梁日華當日的口供，梁日華供稱聽到有醫務人員提出，而他自小有一邊鼻子呼吸困難，就找了一些藥及雙氧水試服，之後病情改善便停服。梁日華又提到患骨髓的太太飲用後，再沒有上吐下瀉。梁日華又承認教會為信徙從加拿大訂購雙氧水，比香港訂購便宜，列出雙氧水每公升30港元。警方最終沒有起訴梁日華。之後到2003年沙士，天水圍有逾千學童亦受到影響，聲稱飲雙氧水不會感染沙士。
袁大明曾為梁日華站台
梁日華稱參考過不少資料，有一份1995年刊登的《大康資訊》，由提倡自然療發的袁大明出版。袁大明當年表示：「呢種口服療法喺民間好常用。」袁大明表示當年不認識梁日華，亦不是教友。袁大明稱當年發生雙氧水事件後，是梁日華主動聯絡，他便建議對方開記者會：「佢打電話問我點算好，咁我話資料咁多，點解你唔話俾佢哋知。」袁大明當年現身梁日華的記者會外，其健康中心亦有賣稀釋的雙氧水，職員更即場示範飲用。
袁大明澄清沒有用來治療
袁大明接受方東昇團隊訪問，堅持氧分療法沒有問題：「氧分療法係咁正丫嘛，平靚正，大部分人唔知，有效嘅嘢，點解你哋咁怕講真相。」袁大明表示自己從來不會用，因為有同類型療法可以用，雙氧水只是其中一種。袁大明說：「我有講過，但喺我治療裡面，係冇用嘅。因為有更加好嘅，雙氧水個味始終唔係咁好。」袁大明稱食藥都要有適當份量，從來沒有任何法例指雙氧水犯法。科技大學生命科學部教授高錦明以牛肉測試稀釋的雙氧水對肉類的變化。
相關閱讀：真相猜‧情‧尋丨彭楚盈案涉事人再現 86歲方曼生談當年情婦：好多都係「政治」 死者胞妹信有報應
