拍檔廚房丨黃翠如 蕭正楠同場打情罵俏 方力申自爆愛用廚藝氹女友 滕麗名煲雞湯搵老公做白老鼠
發佈時間：16:15 2024-05-23
由方力申（Alex）、黃翠如主持節目《拍檔廚房》今日（23日）進行錄影，擔任嘉賓的蕭正楠與滕麗名與一眾評判顧紀筠、黃永幟等出席。方力申（Alex）大爆滕麗名為了參與該節目於日前到錄影廠了解拍攝情況兼有份試食，雖然對滕麗名廚藝有信心，但不能揀選對方，因為跟另一主持黃翠如每次要揀選心水的隊伍。他說：「因為畀黃翠如揀咗滕麗名嗰隊，佢話要避嫌唔可以揀佢老公喎！其實佢哋好眼怨，又話唔揀，但又偷拍又笑老公。」
提到跟陳曉華傳緋聞，可有激嬲女友葉萱，小方說：「無喎！證明我哋感情好，知道我無古惑。（送禮物氹女友？）我唔係用禮物氹女友，係好似煮嘢食，用愛心同真心。」滕麗名笑言會炮製炸墨魚滑外，為了其中煮製另一道菜式而事前去學拆雞，所以近排經常飲雞湯。談到老公是否為她做「白老鼠」試味？她說：「雞湯無嘢嘅！我純粹學拆骨，只係三隻雞喺煲湯度。」她坦言廚藝方面煮家常小菜無問題，但要得到評判大讚就認為有點難度。
黃翠如建議結婚周年煮蟹慶祝
蕭正楠透露在節目中會煮製太太喜愛的咸酸菜炒菜甫，但挑選這個菜式由於有次在家中煲粥，於是以咸酸菜加菜甫，豈料太太勁讚很豐盛。在旁的黃翠如自言是潮洲妹，所以喜愛吃咸酸菜，但在家中從未煮過蟹，不過老公今次大顯身手。在旁的蕭正楠搞笑謂：「我哋只食蟹柳！剛才我整蟹，隱約聽到尖叫聲，唔知係咪你？但係好少親自拆蟹，整嗰時手套都勾爛。」黃翠如笑指老公經常會煮碟頭飯，又大讚對方調味方面好叻，更建議老公在結婚周年時可煮製蟹慶祝。蕭正楠說：「咸酸菜蟹好唔好？我煮潮洲蟹佢食。」談到小方大爆同場的黃翠如與老公蕭正楠不時放閃，黃翠如否認其事，並笑謂眼神接觸都沒有，亦沒有偷拍老公，而是明影對方，但其實兩邊嘉賓煮製的菜式都靚，所以要影相。
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
