吳若希被指「膠面」撞樣王子涵本尊親自回應

更新時間：20:15 2024-04-10 HKT
發佈時間：20:15 2024-04-10 HKT

吳若希（Jinny）最近挑戰「日更30天挑戰」，每日都更新社交網。日前，她與老公及仔女快閃廣州旅行，淡妝上陣的她，忽然變得腫口腫面，嚇窒網民，更有人指她「膠面」，引得吳若希本尊現身回應。

吳若希日前帶仔女北上，她貼出多張單人照，並興奮寫道：「開估～帶左（咗）對仔女快閃廣州融創！但對於我嚟講，最精彩唔係玩～係食！」相中，見一頭長直髮的她淡妝上陣，而面形比平時腫脹得多，鼻子亦明顯隆起，網民都紛紛留言直指她整容過度，亦有人指她與王子涵撞樣：「以為係王子涵」而吳若希回應表示：「你不是第一個這樣說。」有人謂：「點解塊面咁膠嘅」，吳若希則留言寸爆道歉：「sorry lor 」，不少網民批評她：「塊面打咗咩？成個麵包超人咁.....」、「做乜搞成咁呀？唉」，吳若希就留言解釋：「唔使唉～女人仲(總)有幾日會腫d既～～過幾日食返d清淡嘢就自然會好ga～放心。」

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ