東張西望丨60歲女惹狂蜂浪蝶被鄰居針對？反遭指有妄想症：佢話業主用背脊非禮佢

更新時間：22:00 2024-04-08
發佈時間：22:00 2024-04-08

《東張西望》不時報道鄰里糾紛事件，今晚（8日）《東張西望》報道兩名中年女子疑因男子結冤，但最終事件竟然變成羅生門！60歲的梁女士兩年前搬到元朗大棠一個寮屋區獨居，據她指近兩個月懷疑業主截斷電源逼她搬走，深受困擾。而有指起因疑是她對面的李女士認為不滿男友太溫柔對待梁女士，因此聯同業主處處刁難她。

鄰里交惡事件變羅生門？

梁女士指因為李女士在這個寮屋區已住了10多年，很有權勢，而且很惡，與業主關係亦很好，很多住戶都忌她幾分。對於鄰居與業主疑似想逼走她，梁女士指：「點解要我走呀？唔啱嗰個唔係我嚟，我咩都冇做過，我只係逆來順受。」

李女士否認因吃醋針對梁女士

就梁女士種種指控，《東張西望》找來李女士求證，李女士否認因吃醋而針對梁女士，她表示：「我有自信心，我唔需要妒忌呢樣嘢，何況你係60歲老人家。你咪講到我老公（男友）好Cheap囉！係咪你妄想呀？你係咪想呀？所以我成日問佢『你要唔要鏡呀，我畀塊鏡你照吓啦』！」

李女士：係咪有妄想症

對於梁女士指李女士曾趁她洗衣服時用水噴她，李女士澄清：「我唔知佢喺出面，因為啱啱對正，我沖一沖……聽到叫我哋即刻就停。」更指梁女士的二手洗衣機用很多東西包住，不可能濕了一點即壞。李女士更一併澄清沒有如梁女士指控剪斷晾衫繩，因為他們也需要用該條晾衫繩，認為只是太殘舊而斷開，李女士指：「所以我哋最初覺得佢精神……係咪有妄想症。」至於梁女士表示有人趁她外出時，將她家中的床用水淋濕，李女士亦反擊：「講真，佢呢個人之前有冇得罪過人，我哋唔知。同埋我哋呢度門……出出入入好自由，係人都可以入到嚟。所以你得罪咩人我哋唔知，你冇證據，你唔可以屈我哋。」

梁女士反被指控是挑釁者？

李女士以片為證梁女士亂丟垃圾

李女士更以影片為證，反指梁女士曾亂丟垃圾，就連業主都受不了，將垃圾放回梁女士的門前，要求她自行處理，但梁女士竟報警：「佢竟然可以話有人丟垃圾喺佢門口！」至於梁女士更指李女士破壞她的花園，令業主收回用地不讓她種植，李女士表示：「佢一直都有霸田，佢話要除草呢，佢都要搵業主攞返500蚊，又要擺嘢，業主都畀佢擺，甚至話要擺衣櫃。我話咁唔得喎，咁似咩呢？呢塊地係業主，由業主話事邊個可以用，而家佢令到大家想種嘢都唔敢種。甚至我除草都唔得，佢又報警，以為我霸田。」

梁女士誣告多位男士非禮？

李女士更指為怕刺激到梁女士，平時更要兜路進出。不過梁女士仍鬧出不少事，包括曾誣告李女士的男友及男業主等異性非禮，令附近的男士都很怕梁女士。李女士表示：「佢講乜都得㗎啦！咁人哋而家仲喺度喎，警察又冇拉佢，阿Sir用正常途徑去查，咁咪放咗佢……冇事囉！佢又話業主非禮佢呀嘛，話用個背脊非禮（摩擦）佢呀嘛！我有片喺度，有冇『磨』佢，CID查得一清二楚。」對於梁女士指停電時找過師傅維修，但都被業主趕走，李女士代澄清因為梁女士找來幾位沒有許可證明的男士維修，深怕有危險於是業主不讓對方維修。李女士更指，梁女士曾在田燒雜草和甘蔗，差點連李女士的寓所也被火勢波及。

梁女士回應影片指控

李女士出示多條影片，拍下梁女士將垃圾掃到她的家門前，以及將一袋垃圾隨手丟到戶外。梁女士回應影片指控表示，因為李女士家中經常有垃圾飄到她門前，才會將垃圾掃回去，至於被拍到在戶外隨手丟棄大袋垃圾，她表示因為那些垃圾不屬於她，因為不會隨便放到別人門前，於是只好放在公家地方，她認為影片是選擇性拍攝，認為對她不公平。事件變成羅生門，於是《東張西望》再訪問業主代理，指梁女士經常咄咄逼人，想逼其他鄰居搬走，更反指梁女士是租霸，經常自創一些款項指業主欠她逾萬元，表示業主可將欠款抵銷她的租金。業主代理更否認故意令梁女士家中斷電，只是供電不穩，至於梁女士所指曾長達10多天沒有電的情況只發生一次，原因是新年時沒有師傅上門維修。

其他文章：

《東張》推介平民天堂！平價超市加熟食檔45元自助餐舒淇最愛貼地香薰遊客都讚

東張西望丨八旬老翁沉迷按摩遭兩子斷絕關係疑被34歲骨妹騙2百萬公開露骨訊息

東張西望丨8旬老翁出軌搭上泰妹離家出走！與印傭三人同居最後竟鬧上法庭

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ