陳蕾首個演唱會大玩視覺藝術 自爆邀請洪嘉豪吹嗩吶被拒絕
發佈時間：16:15 2024-03-03
出道14年的陳蕾，昨晚（2日）首踏紅館舉行一連四場演唱會2024《念》，是次陳蕾演唱會分為《死》、《惑》、《念》、《生》及《能屈能伸》五大主題，帶出「念死無常、向死而生」的概念。演唱會一開始陳蕾一頭銀髮、戴著白色如婚紗頭飾的陳蕾，坐在十字架棺木造型鋼琴前登場，自彈自唱一曲《我想和你好好的》為個唱揭開序幕，之後爬到鋼琴上高高站著除去頭紗，畫面一轉槍聲爆炸響起，她連人帶「血」躺在琴上唱出《荒島之幻像》。緊接再一口氣唱出《不想回家》、《娑婆》及《妖治時代》，期間舞台上又出現大型鬼怪裝置，讓觀眾目不暇給。
隨著台上的敲鐘聲和中樂嗩吶聲，演唱會進入第二部分《惑》，同門師妹張蔓姿現身台中為陳蕾鋼琴伴奏，此時換上黑色低胸裙的陳蕾，若隱若現非常性感。第三部分《念》舞台上由多位雜技表演者的精彩演出延伸，換上綠色連身裙、披著黑色長袍的陳蕾，在離地面
陳蕾在第四部分的《生》，先後換上紅白格仔裙及白色吊帶短裙，將現場變成嘉年華，其中唱《娛樂人生》時，16位小提琴手、4位大提琴手，再結合現場樂隊一同演出，之後唱到《Run Away》、《《世界與你無關》和《相信一切是最好的安排》等歌曲時，不少人更直情站起來，見粉絲如此熱情，陳蕾也非常識做，走近台的兩邊向粉絲揮手打招呼。
最後一Part 《能屈能伸》，曾為ViuTV選秀節目《全民造星V》擔任導師的陳蕾，找來學員亨仔、Nathan、Kim及Tiger Foo合體夾Band，一起跳出MV演繹現場版《伸縮自如的愛》，陳蕾亦換上她最愛的針織民族風服飾，大騷玉背，5人默契十足，再次掀起高潮。
唱足全晚的陳蕾終於「講嘢」，陳蕾以試耳機隔音效果為名，除去耳機感受場內的歡呼聲，她笑謂：「多謝晒，其實你哋氣氛啱啱好，如果你哋太嘈我係唱唔到歌，我諗好少有歌手叫人唔好咁大聲叫嘈住我唱歌，哈哈。我終於可以講嘢啦，我開騷導演唔會畀我講嘢㗎，話即刻冇晒氣質呀。」
見到大家如此支持自己，陳蕾亦有分享感受，她說由坐在鋼琴前升上台到演唱會接近尾聲這一刻，整個過程感覺好快，她形容自己進入了深流狀態，很享受每一個時刻，所以她很享受這一晚。陳蕾坦言：「瑕疵一定有㗎，但你哋寧願睇我小心翼翼，定係帶住瑕疵放開嚟唱，我都會擁抱所有嘅瑕疵，而家有好多科技會令到演唱會嘅聲音會完美少少，但我哋冇呢啲嘢嘅，走音嗰啲由佢走，人性嚟㗎嘛，呢啲都係我當下嘅情緒。」
去到演唱會尾聲，陳蕾愈講愈起勁，在鳴謝環節足足講了半小時，期間大放笑彈。她在多謝嗩吶手時，講笑對方其實是候補：「實不相瞞呢個位原本係洪嘉豪嘅，即係我有個朋友叫洪嘉豪，佢都識吹（嗩吶），但佢拒絕咗我。」陳蕾講完自己都忍不住爆笑。她亦特別多謝演唱會音樂總監蔡德才，稱以前看頒獎禮經常聽到蔡德才@人山人海，今次終於可以合作，很欣賞這位大師，感激對方捱更抵夜幫她演唱會重新編曲，所以她特意預先送了些護肝產品給對方。
另外陳蕾又說到：「我覺得向死而生係好有意義，我好想喺演唱會講，我都有同啲姪仔講，姑姐一開始就會嘭一聲中槍爆血，唔使驚呀。而我都希望透過呢個演唱會，大家有帶到嘢返屋企，例如力量、視覺享受、聽覺享受，有一個開心愉快嘅晚上。我也要衷心多謝入場嘅每一位。」
最後陳蕾唱出《凡星》，全場觀眾也跟隨著大合唱，打算完結整場演唱會。不過觀眾不夠喉狂呼encore，群情洶湧。換了一身輕便服飾的陳蕾千呼萬喚下再度登場，問大家叫encore是想聽她說話還是唱歌，聽到有粉絲大叫想看她在紅館打機，陳蕾即問：「有冇人有帶遊戲機？講笑啫，咁認真嘅演唱會，我準備咗支木結他，我都是只係識…」未講完，又有人提議：「跳舞！」嚇到陳蕾說：「認真咩？你哋好古怪，居然鍾意睇人出醜，好彩我頭先冇甩漏。」
最後，陳蕾認真說：「今晚好多人嚟睇我演唱會，其實好多年前都冇乜人睇過我表演嘅時候，我就係孭住支木結他喺網上拍cover，亦試過busking，去唔同嘅市集唱歌，我都有諗過放棄音樂嘅，嗰陣覺得我係咪更適合做個手作人呢？唱咗咁多年都冇乜特別，亦唔覺得自己寫啲歌特別叻，但我好多謝自己所有高高低低嘅經歷，令我寫到咁多隻歌。如果你而家正經歷緊低潮，冇嘢㗎，咁先係人生㗎嘛。」話畢，陳蕾自彈自唱王菲的《夢中人》為演唱會畫上完美句點。
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
