中年好聲音2丨鄭梓浩跌出10強惹不滿！網民戥「輸得好唔抵」茅頭直指呢位參賽者？

更新時間：13:35 2024-02-26
發佈時間：13:35 2024-02-26

TVB歌唱真人騷《中年好聲音2》的10強名單昨晚（25日）正式出爐，古淖文、劉威煌、顏米羔、安雅希、黃劍文、譚輝智、沈宗賢、陳俞霏、林若盈和陳蒨葶成功擠身十強，陳燕娜和鄭梓浩齊齊11強止步！一直被視為大熱門的鄭梓浩，今次大熱倒灶，不少網民戥他不值，茅頭直指陳蒨葶！鄭梓浩今日回覆《星島頭條》表示K有留意事件。

鄭梓浩被淘汰惹網民不滿？

55歲鄭梓浩在90年代已經加入娛樂圈，當時簽約新藝寶唱片公司成為歌手，更是戴思聰學生之一，不過發展一直平平，最終於1996年移居紐西蘭，直至近年才回流。在《中年好聲音2》比賽初期，鄭梓浩因表現突出而成為大熱，但奈何最終11強止步，鄭梓浩在台上一臉無奈，他臨別時在台上表示：「我諗我係入黑房機率最高嗰個，我自己50幾歲，我好渴望、一直渴望喺香港係有個比賽不限年齡，其實喺10年前我已經有呢個想法，本來我諗住喺呢個比賽入面，仲有好多歌係可以唱，仲有好多係我自己故事嘅歌都仲未唱，我好希望有一日可以喺呢度，喺呢個台可以再唱畀大家聽。」

網民戥鄭梓浩不值

節目出街後，有不少網民戥鄭梓浩不值，紛紛在FB的討論區洗版式討論，有人說：「梓浩輸得好唔抵，佢今日把聲唔舒服，所以差少少，嗰條林若盈一早要走啦，點會俾83分佢，陳蒨葶都唔應該留低，做馬做晒出面。」、「梓浩根本唔應該被foul！真係好嬲！」、「佢病咗.. 但唔係foul 佢嘅理由。」、「梓浩冇晒鬥心，呢次唔foul下次都foul，安雅希好似唱到冇嘢唱，跌緊！林若盈同陳蒨葶係渣，但畀人睇到有鬥心，不過下round都foul，所以唔需要鬧！」、「鄭梓浩是職業的竟輸給業餘的，OUT了的女士很美，唱得不錯，真替他倆不值。」不過亦有人質疑被foul的為何不是陳蒨葶？有人說：「唱楊千嬅嘅歌都係鄭秀文咁，救命呀！」、「陳蒨葶的假眼睫毛好很肉酸，個子細無台型，壓唔住場，靠學Sammi無意思，唱歌唔得幾靚都無用，何況一啲都唔靚」等，可見網民對10強名單有質疑。

鄭梓浩尊重評判們決定

對於今次11強止步，網民以洗式版留言戥不值，鄭梓浩今日回覆《星島頭條》表示：「好多謝網民留言支持，大家都有注意到這件事，作為參賽者我係好尊重評判們嘅決定，反而接下來應該鼓勵十強參賽者，希望佢哋可以盡情發揮攞更好嘅成績！」

鄭梓浩昔日音樂之路好崎嶇？

另一方面，同樣11強止步的陳燕娜亦有在IG留言：「今晚收到好多朋友安慰以及表示唔開心，我想同大家講：唔需要唔開心，呢個唔係一個ending. 而係start，我會喺其他 social media 繼續唱歌同埋學好唱歌提升自己，好感恩有你地嘅支持。我真係好好好開心今次參加《中年好聲音2》，冇諗過13年後可以再企喺台上比賽。本來已經放低咗唱歌（平時得閒無聊會唱2句，但唔係好似以前咁追尋），過去10年我人生好似只有工作同工作，但係呢個比賽令我重拾對唱歌嘅熱誠。」最後陳燕娜感謝家人和同事的包容，體諒同支持：「多謝我喺比賽中認識到嘅一班好朋友，感恩有你哋不停鼓勵和提點。我好唔捨得同大家一齊 rehearsal 嘅時候互相提點如何做得更好。」

11強止步的陳燕娜感激包容：

陳燕娜未受評審青睞

與陳燕娜和鄭梓浩不約而同僅獲82分的陳蒨葶，獻唱《小城大事／大城大事》時，坦言以「跳樓」心態演繹歌曲，惟因演繹的版本太過Dark，不太受評審青睞，肥媽說：「其實真係唔使咁Dark，我覺得女人好鍾意傷害自己去令嗰個人記得你，如果佢唔記得你，你傷害自己都會唔記得你啦，Short Short地嘅，你唱得係唔錯，畀唔到高分係你好Dark，但Feel唔到個痛。」