《蜂神惡殺》往死裡打就對了丨頭條戲場
更新時間:06:00 2024-02-07
發佈時間:06:00 2024-02-07

全片105分鐘,爽爆快感佔90分鐘,冷場係零,兩個字,好抵睇。Jason Statham飾演已退休的神秘特工組織「養蜂人」Adam Clay,打打殺殺已經唔再關佢事,於遍遠山區養蜂為生,悶但快樂,因為唯一對佢好的鄰居被騙徒呃晒成副身家仲死埋,Adam憤怒了,決定重出江湖為老友報仇。好一個Jason由頭打到尾,仲要不斷往死裡打,大快人心到笑出聲,內心講咗過億次抵死,如果你曾經收過詐騙電話及訊息,甚至被呃過嘅,非常推薦入場。(上映中) 撰文:廖思慧

Adam被迫復出,背後嘅蜜糖非常幫到手。
Adam被迫復出,背後嘅蜜糖非常幫到手。
Adam係神秘特工組織「養蜂人」的前特工,退休後真係去養蜜蜂。
Adam係神秘特工組織「養蜂人」的前特工,退休後真係去養蜜蜂。

由《自殺特攻:超能暴隊》的David Ayer執導,退休特工Adam 一人單挑詐騙集團,最後發現騙局有強大後台,更牽涉龐大的政、商、黑勢力。打鬥場面非常多樣化,有埋身肉搏又有槍林彈雨,甚至打到油站大爆炸。

詐騙者不得好死
電影重點係打同殺,因為Adam的勇猛及唔識死而驚動FBI、CSI及僱傭兵,Adam如人形「攞你命3000」,任何物件拎上手都可以成為致命武器,如電話、鐵鏈同蜂蜜罐,當然拳腳亦非常厲害,動作場面乾淨俐落,冇半秒拖泥帶水,拳拳到肉冇廢話,睇到好爽好紓壓,唔好問點解成班FBI、CSI都打唔贏Adam,咁主角吖嘛,又或者奇怪Adam仲激動過被騙鄰居個女,全片的確好多位唔合邏輯,但一切都唔重要,好好放空大腦,享受Adam點樣用盡各種方法去整死壞人就夠。

騙局話事人Derek(Josh Hutcherson飾),抵佢死。
騙局話事人Derek(Josh Hutcherson飾),抵佢死。
全片勁多爆破,炸樓炸人炸車。
全片勁多爆破,炸樓炸人炸車。
現任「養蜂人」以真嘅機關槍掃射Adam,導演話:「裡面裝空包彈,開槍時超響。」
現任「養蜂人」以真嘅機關槍掃射Adam,導演話:「裡面裝空包彈,開槍時超響。」
導演炸油站,仲大讚炸得好靚。
導演炸油站,仲大讚炸得好靚。

 

《星島申訴王》已推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF

想睇更多精彩內容,請立即瀏覽「區區有申訴」活動專頁,https://bit.ly/41hgS9E

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ