飛常日誌丨吳大強客串飾失智老人勁搶fo 自爆連串蝦碌事件險些報警收場
發佈時間：13:30 2024-01-17
71歲的吳大強（Bill）在2022年憑TVB節目《中年好聲音》打開知名度，人氣比備受力捧的兒子吳偉豪（Ricco）還要高，經常在綜藝節目又或者在劇集見到他的踪影，在昨晚（16日）播出的《飛常日誌》，吳大強客串飾演一名患有失智症的福伯，原來吳大強連演戲都有一手！
相關閱讀：飛常日誌丨15位TVB花旦吸睛制服Look逐個睇！最強Body空姐裙配黑絲 咪神密實更顯曲線
飛常日誌丨吳大強原來演戲都有一手？
飛常日誌丨吳大強獲監製讚賞
在昨晚（16日）播出的《飛常日誌》，吳大強劇中飾演一名患有失智症的福伯，本來他打算乘飛機到加拿大出席兒子的畢業禮，在辦理登機手續期間，發現吳大強的對答有點混亂，「Jackie」蔡思貝有感事有蹺蹊，於是安排同事了解，最後發現原來吳大強是「Henry」徐榮的爸爸。接到通知的徐榮立即趕到爸爸的面前，但吳大強竟然認不出自己個仔並說：「我應承咗個仔要睇佢戴四方帽，今日唔去就趕唔切。」最後徐榮壓抑傷感說：「你個仔畢業咗好耐，我叫李勝祥，我係你個仔呀，阿爸我已經畢咗業20幾年，你仲記唔記得，你有去睇我嘅畢業禮。」一臉茫然的吳大強表示自己好似忘記，徐榮續說：「你唔記得我唔緊要，我會提你，不過你要記住去邊都要同我講聲呀。」最後兩人在黃昏美景下齊齊望着飛機升降，徐榮更表示會請假與吳大強去加拿大旅行，場面感人。
今次吳大強客串飾演失智老人，他受訪時坦言興奮又開心：「因為可以去到機場禁區入面拍攝，平時好少機會去，呢個經驗好難得；心情都會有啲緊張，因為拍劇我始終都係新手，又要講對白，表情又要做到足，係有啲難度。」對於獲監製陳耀全讚賞，吳大強謙稱：「其實都有啲NG情況發生，同埋大家都好遷就我，個個都好有耐性，真係好多謝大家。」吳大強還特別感謝「哎吔阿仔」徐榮：「佢都幫咗我好多，好希望有機會再做多次佢老竇！」
吳大強與吳偉豪演《愛‧回家》：
飛常日誌丨吳大強與兒子有對手戲
吳大強亦預告在劇中將與兒子吳偉豪有對手戲：「同個仔拍劇感覺好特別，喺佢面前演戲感覺就踏實啲，就算我有咩做錯，佢都唔會畀面色我睇，我諗佢都唔敢嘅，同埋佢都幫咗我好多，好帶到我入戲。」問到拍劇難忘事，吳大強自爆連串蝦碌事件：「有次我好早去到現場，但見唔到其他拍劇同事，原來我去錯咗地方，大家其實喺正確嘅地方等緊我。」吳大強續指有次更因為遺失禁區證險些報警收場，幸好吳偉豪與爸爸「心有靈犀」，即時想到事件來龍去脈、拯救了爸爸，吳大強說：「嗰次好失魂咁唔見咗張證，搵極都搵唔到，去到最後畀個仔搵到，原來張證跌咗去我隻襪入面，呢個真係千古奇聞，好彩最後都搵得番，冇影響到拍攝進度！」
其他文章：
愛回家丨吳大強驚喜現身參加《中年好沙聲》 「朱凌凌」吳偉豪劇中有兩個爸爸？
TVB台慶2023丨吳大強吳偉豪父子檔同場炒熱氣氛 支嚳儀半天吊跳舞零甩轆
共建美好社區大匯演丨莫華倫嫩妻密實T耍小機心晒身材 吳大強組2百歲男團表演變老么
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
