萬千星輝頒獎典禮2023丨馬貫東入行18年終獲男飛躍學懂不會浪費任何一個機會

更新時間：21:20 2024-01-14
發佈時間：21:20 2024-01-14

萬千星輝頒獎典禮2023丨無綫電視（TVB）《萬千星輝頒獎典禮2023》今日（14日）晚上8時在澳門正式舉行，TVB將會同步直播頒獎禮盛況。今屆「飛躍進步男藝員」得主是入行18年的馬貫東！馬貫東上台後先與陳豪抱抱，再從張曦雯手上拎過獎項後說：「18年唔係一個短時間，但係對一個演員生涯並唔係長，喺我入行嘅時候，知道我呢條演員嘅路係唔會一帆風順，唔會行得好容易，因為我訓練班出嚟嘅時候，珍姐（曾勵珍）同我傾過偈，佢講咗我好多不足之處，好多缺點，要我改，要我不斷學習，學完之後就會有一個機會，咁嗰陣我就好努力一直去改變自己，一路努力學習，多謝珍姐。」馬貫東續說：「雖然呢條路係唔容易行，但係我學識珍惜，我學識每一個機會都要把握得好好，唔會浪費任何一個機會，亦都唔會浪費任何一個畀機會我嘅人。」

萬千星輝頒獎典禮2023丨飛躍進步男藝員

馬貫東在台上亦多謝曾志偉和樂易玲：「樂小姐係我啱啱入行嘅時候，叫我踏實啲，努力啲，一定要做一個有實力嘅人，有實力嘅演員。多謝佳導（鍾澍佳），好開心聽到你畀我嘅評語，就係估唔到馬貫東可以演繹到一個咁嘅Slash出嚟，呢個對我嚟講，係一個好好嘅鼓舞。多謝Marco（羅永賢），多謝你畀我做杜飛，等觀眾見到一個完全唔同嘅馬貫東，觀眾亦都好接受我做一個大反派。」最後馬貫東亦多謝《愛回家》和家人：「我識咗一班好好嘅屋企人，多謝媽咪同我兩個家姐，佢哋都好支持我，完全冇怨過，雖然我冇畀家用。」

萬千星輝頒獎典禮2023丨陳法蓉入行35年感情事比演技搶鏡曾與前港姐爭仔最終豪門夢碎

萬千星輝頒獎典禮2023｜劉佩玥母親同是港姐擁174cm身高曾任空姐床戰黃宗澤成經典畫面

萬千星輝頒獎典禮2023丨李施嬅患自體免疫性疾病一度停工訂婚3年未婚夫擁驚人背景

萬千星輝頒獎典禮2023｜何沛珈與梁舜燕孫仔傳相戀全裸圍浴巾出鏡掀熱話兜頭淋冰水成最博畫面

萬千星輝頒獎典禮2023丨林正峰傳與游嘉欣秘戀多時童年生活困苦領綜援度日憑努力成註冊社工

----------------------------------------------------

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ