新聞女王丨陳山聰壓軸登場！視帝級演技逐格睇 演智障爸爸交足戲兩集入圍男配角十強
發佈時間：23:25 2023-12-22
佘詩曼、馬國明、李施嬅主演的《新聞女王》今晚冬至（22日）播出一連兩集大結局。早前《萬千星輝頒獎典禮2023》公布十強名單，陳山聰竟然憑住《新聞女王》入圍「最佳男配角」，令一班觀眾都感到好疑惑。今晚大結局播出終於釋疑，壓軸登場飾演智障爸爸「賴志雄」的陳山聰短短兩集演技大爆發，完美交出視帝級演技，令人非常震撼！
【相關閱讀】：新聞女王丨馬國明被湯洛雯叫老公「都幾爽」揭造人計劃 隔空祝福舊愛黃心穎
【點擊睇陳山聰演技大爆發】：
今晚《新聞女王》劇情講到輕度弱智爸爸「賴志雄」陳山聰，因女兒嘉嘉離奇墮樓身亡，一直求助無門，最終持刀及炸彈闖入學校脅持人質事件，其間更因受刺激令場面一度失控，「Man姐」佘詩曼亦因而身陷險境，更險被刀傷。予人感覺有型有款的陳山聰，這次放下型仔外表飾演來自基層家庭的輕度弱智爸爸，無論舉手投足、表情聲線，甚至是背影都入型入格，不論內疚、傷心、憤怒表情都相當精彩，完全演活了失去女兒的痛心、無助及絕望。在學校門外與佘詩曼相遇的一幕，雙眼通紅、滿泡淚水的收下佘詩曼面包一幕，更令人相當心酸。
談到是次角色，視帝級的陳山聰亦坦言頗有難度：「我相信係我入行以嚟其中一個真係都幾難演嘅角色，當時鍾澍佳總監製同我講要拍呢個角色時，我都『嘩！』我開頭仲同阿佘講我嚟客串同佢玩兩場戲，我諗住好似Bosco（黃宗澤）咁著套西裝行行企企講兩句對白架啫，冇諗過要搞成咁！作為一個演員可以遇到真係有一定難度嘅角色其實係開心嘅。」
新聞女王丨陳山聰髮型源自父親35年前造型
雖然只是客串性質，但陳山聰依然認真對待角色，並專誠找來教開方法演技的戲劇老師一起研究：「我哋用咗好多時間去諗到底呢個角色嘅輕度弱智要去到幾多呢？點樣分輕重呢？因為大家都對陳陳山聰有固有印象，佢突然做個咁嘅角色大家會唔會認同，如果一做錯咗就會有反效果。」陳山聰續指單是為了角色造型已很頭痛：「因為之前仲拍緊《奪命提示》，所以髪型有所限，原本係梳落嚟直頭髪，但係點整佢哋都係話太有型，想老土啲。真心我呢個髪型係我爸爸以前電過嘅，我係參考佢（35年前）嘅髮型。」
新聞女王丨陳山聰拍三日似拍30集
陳山聰謂雖然只是拍了三天，但感覺卻和拍了「三十集冇分別」：「第一日朝早06起身已經開始入狀態，直至收工返到屋企已經攰到咩咁。第二日繼續，過程辛苦但非常享受。」他又感激阿佘謂：「真心今次唔係因為阿佘我都唔會遇到一個咁好嘅角色，回想返以前同佢合作，佢已經係超班。今次同佢演咗一場好戲，一如以往佢非常有感染力、好易就畀佢帶到入戲，所以拍攝過程好享受，真心希望將來有機會同佢再玩過。」
不過陳山聰的努力亦獲得回報，結局之前在內地酷率先播出已贏盡好評，更有人指陳山聰的好演技令人聯想到劉松仁在《大時代》的經典角色方進新：「陳山聰嗰一滴眼淚，呃左我一殼眼淚」、「我看完哭死了，半包紙巾沒有了」、「演技真的好好啊，女兒演的也很不錯。」
【其他文章】：
新聞女王丨「中槍梁Sir」林景程演技大爆發！現實物理治療師參考中風個案 研究肌肉協調
新聞女王丨佘詩曼四面楚歌！被警方大陣仗邀請協助調查 10年前賊王案引道德爭議
新聞女王丨王敏奕與李施嬅割席！找佘詩曼出線人費搵新線索 隨時又惹禍上身？
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
