中年好聲音2 丨曾蜜詩《餓狼傳說》甩beat嚇窒網民惹負評 連環出po反擊：我就是贏家！
發佈時間：12:00 2023-12-11
TVB歌唱真人騷《中年好聲音 2》在昨晚（10 日）播出一集是第六部曲《廿一強全新賽制 動感/情感 PK 賽！》，21 強選手將以「動感/情感」歌曲進行 PK賽！曾經在《中年好聲音》與支嚳儀進行PK賽的曾蜜詩，今次將會以《餓狼傳說》與袁思樂《瀟灑走一回》對戰，曾蜜詩落力演出，又扮狼叫兼唱到跌Bra帶，雖然成功晉級，但依然被網民留言狂轟賽果不公，覺得曾蜜詩應該被foul！
【相關閱讀】：中年好聲音2丨古淖文唱粵曲式《Monica》晉級 林若盈媽咪患抑鬱症車婉婉聽到喊
【點擊睇《中年好聲音2》曾蜜詩演繹《餓狼傳說》】：
在昨晚（10 日）播出一集《中年好聲音 2》，曾蜜詩以《餓狼傳說》與袁思樂《瀟灑走一回》對戰，一身全黑造型的曾蜜詩rock味十足，可惜一開口「狼叫」已經嚇窒肥媽，連張佳添都尷尬地哈哈笑，曾蜜詩在演出過程表現得相當投入，經常「餓狼」上身地「狼叫」，甚至跌Bra帶，可惜經常出甩beat的情況，最得只得76分跌入危險區！自稱是「素過素人嘅素人」的曾蜜詩，她坦言自己平時甚少聽歌和唱歌，今次決定挑戰自己。事後肥媽狠批她的音準離罩，張佳添亦稱曾蜜詩的演出近乎「甩拍」，令人難以投入去欣賞，伍仲衡更說：「最出事叫嗰個『狼叫』，真係唔係咁。」
曾蜜詩出po反擊網民
不過最後被淘汰是麥素華而不是曾蜜詩，於是不少網民留過狂轟賽果不公，有人說：「佢同袁思樂鬥差，不過佢嘅《餓狼傳說》可說是全晚最差的表演」、「實在太唔公平點解唔係out佢？明明佢就係最低分又唱得難聽，真係唔明啲評判個腦諗乜嘢」、「嚇死我，以為佢件衫想跌落黎，呢隻餓狼我有啲驚，快叮叮吧」、「唔知點解覺得佢似王祖藍扮女人，唱《餓狼傳說》」、「簡直視覺+聽覺的騷擾，盡快Foul 走！」其後曾蜜詩亦在社交平台留言反擊：「失敗或成功，自己說了算。 比賽是一個聖誕禮品籃，除了糖果，還有香檳。 各有所愛，各取所需。我盡了最大的努力，學了最多的東西，做了最大的自我挑戰，我就是贏家。 山頂上風景很美好，路上跌跌撞撞都值得，當然，冇人會故意跌一跤。喜愛我的朋友，請對我有耐心。因為我會更好！說我自大？那是你不懂何謂狂妄無知，何謂自信堅毅。」
【點擊睇《中年好聲音2》】：
曾蜜詩自從參加《中年好聲音 2》以來，觀眾緣一向麻麻，當日在《三十強團戰！力爭全員出線！》上，由安雅希（隊長）、王學琳、曾蜜詩、王玥和林若盈全女班組成的《Memory》隊，未正式比賽已爆發矛盾，曾蜜詩提出意見瘋狂Challenge安雅希，就連去到最後綵排時兩人仍然爭拗不休，氣氛緊張！連導師Eric Kwok亦直說：「曾蜜詩好有自己意見，想要乜就要乜，反而佢似隊長多啲。」曾蜜詩受訪時坦言：「隊長係有啲Laid Back（不着急）！我哋都有好多idea，咪一齊討論睇吓邊個idea嘅end result最好。」
【相關閱讀】：
中年好聲音2 丨顏米羔無悔追夢！青筋暴現演出成為大熱 為天王拍硬照曾執導三級片
中年好聲音2丨劉威煌娶富貴老婆被封億萬駙馬！因語言暴力想放棄唱歌 重返比賽行列重視過程
中年好聲音2丨黑馬劉可12年前表演片曝光！表情誇張哭腔驚人 屢參加比賽曾擁圓潤樣？
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
