新聞女王丨馬國明鄭嘉穎傳不和又關佘詩曼事？ 阿佘聞舊愛是非：佢哋唔係好Friend咩
發佈時間：19:20 2023-12-04
馬國明與佘詩曼等今日（4日）宣傳TVB台慶劇《新聞女王》，馬國明表示婚期將近有很多瑣碎事需處理，只能盡量抽時間出席宣傳，更指稍後將消失八至十日，馬國明拒透露婚期，只謂一定現身《新聞女王》大結局，被問到時是否已轉換身份，馬國明默認笑言：「可以咁講。」馬國明指其餘細節等湯洛雯公佈。
【相關閱讀】：鄭嘉穎自揭多次缺席「鐵馬家族」聚會原因 「浪費時間」論被網民批睇清人品
【點擊睇馬國明與佘詩曼宣傳】：
早前鄭嘉穎表明不出席馬國明婚禮，並指參加「鐵馬家族」聚會嘥時間，馬國明表示理解，「佢有3個小朋友，我哋去外地搞，走幾日好困難，佢到唔到都冇嘢，完全體諒，同埋我哋唔係請好多人，大概60人。」馬國明指當日鄭嘉穎受訪前已通知他不能參加，他認為若在香港行禮，對方不到才是「另一件事」，並指不會失望，「熟朋友先唔會失望，大家咁熟，係要取捨，人哋有小朋友要湊，如果你問我，我都係屋企人擺先，呢個係合情合理。」
馬國明：幾次食飯鄭嘉穎真係冇嚟
馬國明指鄭嘉穎有小朋友後也少出席「鐵馬」聚會，大家也明白，又指自己也有生小朋友計劃，相信到時會更少出席飯局，「林子善生囡囡後都少出嚟，我唔明點解唔會傳佢同我哋不和。（幾耐冇見過嘉穎？）冇計，但最近幾次食飯佢真係冇嚟，但我哋又冇乜所謂，其實熟朋友先至係咁，得閒咪嚟，唔得閒咪唔嚟，我哋好casual。（人唔到禮到？）唔好講到咁Detail，錢銀嘢唔好講，（講心定講金？）做咁多年兄弟梗係講心。」
馬國明認「鐵馬家族」聚會減少
馬國明承認大家婚後聚會減少很正常，越來越少齊人是事實，他覺得好合理，希望大家別誤會鄭嘉穎的說話，指對方說話經常被誤會，因大家不了解他，不熟他就會覺得他「好寸」，一句「嘥時間」有人覺得負面，但真正朋友覺得有時間就來搵我，好朋友就是這樣。
馬國明否認傳不和與佘詩曼有關
事件發酵到疑鄭嘉穎不喜歡馬國明與佘詩曼合作，馬國明認為不會，因五、六年前也跟佘詩曼合作過，問鄭嘉穎有沒有傳授生仔經給他？馬國明說：「呢樣唔使教，大家唔好誤會，我都係順其自然，我同我老婆都係順其自然，有咪有，冇咪冇。」佘詩曼被問到緋聞舊愛鄭嘉穎疑不滿馬明與她合作，佘詩曼驚訝反問：「佢哋唔係好Friend咩？我唔信係事實。（覺得無辜？）唔緊要，都唔係事實，好好笑，點解會扯到咁樣？」
佘詩曼對爭視后隨緣
佘詩曼透露拍搶戰時太投入而傷及韌帶，事隔半年仍未痊愈，希望可再抽時間求醫。劇集口碑和收視俱佳，問阿佘若收視再升會否派福利？佘詩曼笑指自己較想收福利：「叫監製拍續集，（你肯再拍？）劇本正，個個都搶住拍啦！」佘詩曼被網民視為今年視后大熱，佘詩曼說：「多謝大家支持，隨緣！」
何依婷拒自爆婚期
何依婷談到為蔡嘉欣擔任婚禮姊妹團，婚禮很多感動場面，她一直忍淚到晚上播片時就淚崩，笑言到自己的婚禮一定會忍住不哭，怕會溶妝，甚少參加婚禮的她順道為自己的婚禮取經，反省了時間管理問題，檢討到時的安排。問到婚期，她只透露能回港倒數，又指只向劇組請幾天假，因《新》劇反應熱烈帶契很多工作，蜜月也未有計劃，但1月會跟老公和好友到北海道滑雪，笑言很期待並已秘密練兵半年，因老公和朋友都是高手，上年她在雪地跌倒時叫老公不用理她，但老公拒丟低她，令她感動。
【其他文章】：
新聞女王丨高海寧性感主播零底線登上微博熱搜 派小蠻腰相回饋網民：越勇越迷人！
馬國明契妹唐詩詠讚湯洛雯「嫂嫂好靚！」 鐵馬家族聚會鄭嘉穎又冇影
馬國明湯洛雯下月婚禮地點曝光 效法「大哥」鄭嘉穎同一東南亞國家舉行
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
