獨家丨林家棟承認愛做幕後滿腦大計 入行35年仍享受拍戲被導演「虐待」
發佈時間:07:00 2023-10-27
由鄭保瑞監製、李子俊執導、林家棟主演的《第八個嫌疑人》,以1995年番禺搶劫運鈔車案作藍本。家棟首演公安要講普通話有難度,而瑞導和李導就大讚家棟充滿創造力,加上超強投入度,所以頻頻合作。有傳入行35年的家棟將返娘家TVB執掌製作部,擔任電影監製13年的他承認做行政工作有經驗,亦對幕後工作有興趣,目前正為首次執導做準備,恭喜定林導演先。採訪:杜杜 攝影:羅安強 髮型:梁佇鳴Alex@Salon Nova(家棟)化妝:張楊蕊而[email protected]. Factory (家棟)場地:1881 Heritage
李導對搶劫運鈔車案好有興趣,「究竟呢兩兄弟係21年嘅逃亡生活係點?最想講人性嘅刻畫,着墨喺人物入面。」家棟認為故事容易引起內地觀眾共鳴,「喺90年代屬於世紀大案,當時唔見1500萬係好重要嘅事,睇見好多評論話『細個喺呢度長大,爸爸媽媽帶我嚟睇過呢啲地方』,對觀眾,尤其係新一代會好奇。」
![家棟跟大鵬首度合作,兩人都要挑戰講對方語言。 家棟跟大鵬首度合作,兩人都要挑戰講對方語言。](https://image.hkhl.hk/f/1024p0/0x0/lr/sthl/3ae7183a3c111fb2ae36348eef959aca/2023-10/169831212180232.jpg)
愛家棟富創造力兼投入
戲中家棟演公安「王守月」,花了21年追捕兩名主犯,他笑言要演跨度大角色並非最難,「古裝都係咁拍,哈哈!」反而首度做公安,花了不少時間做準備,「導演帶我哋去佛山公安部門參觀,畀咗啲video我哋睇,開會都容許我哋聽,睇到佢哋處理都好人性化。我有問可唔可以帶我去睇破案呢?佢哋話『我哋要保護埋你哋,唔好嘞』哈哈!」全片主要講普通話,他就視為突破,更笑指:「係舒服地演出,但艱難地接收,哈哈!當大鵬講廣東話,同我講普通話時,大家都唔……(無奈樣)哈哈!大家都專業,我勉強應付到啦!」
![家棟演角色「王守月」跨度很大,要由40多歲演到60多歲。 家棟演角色「王守月」跨度很大,要由40多歲演到60多歲。](https://image.hkhl.hk/f/1024p0/0x0/lr/sthl/7f5022c4fecf57769a8929d2ca9176ac/2023-10/1_7_106.jpg)
![家棟演角色「王守月」跨度很大,要由40多歲演到60多歲。 家棟演角色「王守月」跨度很大,要由40多歲演到60多歲。](https://image.hkhl.hk/f/1024p0/0x0/lr/sthl/745bc0df70420e9be17dd02363006663/2023-10/3_0_29.jpg)
![家棟首演公安,拍攝前到中佛山公安部門參觀有一定幫助。 家棟首演公安,拍攝前到中佛山公安部門參觀有一定幫助。](https://image.hkhl.hk/f/1024p0/0x0/lr/sthl/9259b28e3146a39628dc8408e6cbc4f1/2023-10/169831218146784.jpg)
瑞導今年另外兩套作品《斷網》及《命案》、李導首執導的《狂獸》亦是跟家棟合作,後者透露今次只有概念,劇本未寫已搵家棟,追問「鍾愛」家棟原因?3人即狂笑。瑞導解釋:「當然家棟嘅演技唔使懷疑,做導演就會咁樣去睇,佢仲有咩可以畀我掘,有乜嘢擺落佢度,喺呢個角色加呢個演員有咩化學作用,不其然諗到不如搵家棟囉!」李導更誇張,「第一次睇完周汶儒寫嘅劇本咁紥實,第一個畫面就諗起家棟,佢有好大創造力,大家好似拋波咁拋嚟拋去,我哋合作模式係咁,會有驚喜。」拍攝時家棟就算傷腳,也連踩18個鐘拍攝,令兩位導演對他多一份愛,瑞導直言,「我就感受好多,哈哈!點樣都肯同你再嚟,做導演最開心遇到演員令到現場氣氛好,當個演員都用咁嘅態度面對個戲,其他人就唔會放鬆。」李導認同說:「冇佢嘅戲都會坐喺我哋側邊。」家棟搞笑解畫:「我改英文名叫阿Mon,你係睇住個Mon啫!」
![瑞導今年另外兩部作品都有家棟份,包括執導的《命案》。 瑞導今年另外兩部作品都有家棟份,包括執導的《命案》。](https://image.hkhl.hk/f/1024p0/0x0/lr/sthl/09ed0b05442ba75e67399a883d3b2edc/2023-10/DSC00645.jpg)
![戲中另一男角大鵬,為角色兩個月激減33磅。 戲中另一男角大鵬,為角色兩個月激減33磅。](https://image.hkhl.hk/f/1024p0/0x0/lr/sthl/ef0b50262bb2f1ba0179ba2586b7ad29/2023-10/01_0_26.jpg)
家棟有演員夢仍未達成
電影在內地上映,成為「2023年一周票房冠軍」,而主演的大鵬更奪得《第25屆上海國際電影節金爵獎》最佳男演員,3人希望好成績能延續到香港,瑞導更希望這次成功,證明香港製作人能駕馭到拍純內地題材,甚至是未來發展方向,「我哋可以去第二啲國家,唔只內地,拍唔同地方嘅故事。」家棟補充:「全宇宙!」瑞導坦言單是衝出亞洲已不錯,「去馬來西亞、新加坡、台灣、越南拍戲,都可以拍到當地嘅味道,至少係一個方向,當然我自己做唔到,但係子俊今次做到嘞!」
![戲中另一男角大鵬,為角色兩個月激減33磅。 戲中另一男角大鵬,為角色兩個月激減33磅。](https://image.hkhl.hk/f/1024p0/0x0/lr/sthl/6ced67194b9b4cb9096ec07cf934a242/2023-10/1_7_108.jpg)
最近傳出家棟將返娘家TVB執掌製作部,他出席首映禮時,未有明確否認,其實他對幕後工作一直有興趣,由2010年監製《打擂台》開始,已有3套作品面世。他坦認很享受同時兼顧監製和演員,時間分配不會排優先序,「邊樣埋嚟咪邊樣先囉!幕後崗位真係花多好多時間,要由創作開始,幕前真係比較舒服,時間容許我都鍾意演出,我都未完晒自己啲夢。」問到係咩夢?他即拋波給兩位導演,「睇佢哋幾時再虐待吓我先啦,哈哈!」明顯他好享受這種「虐待」方式,瑞導都忍不住笑他,「你唔使聽佢講!」家棟每次開工都好開心,「唔知點解每次去到現場見到啲crew、機器,會好興奮!」做監製和演員還未夠喉的家棟,正為首次執導做準備,「真係有諗,但係劇本好花時間,我都希望盡量能夠有個好嘅劇本,令大家都接受,有個新角度。」至於會否自導自演?他就有保留,「嗱!呢個係現實嚟,要睇投資方點睇,哈哈!我主觀上未必想自己埋位,因為真係有盲點,但呢刻唔諗住,諗咗個劇本先。」
![日前,三人出席《第八個》首映禮,家棟首回應返TVB做高層一事。 日前,三人出席《第八個》首映禮,家棟首回應返TVB做高層一事。](https://image.hkhl.hk/f/1024p0/0x0/lr/sthl/8c2b4d9a2d0704071c3e5a1e6553b51b/2023-10/130A3151.jpg)
《星島頭條》新網站有更多精彩內容:http://www.stheadline.com/